كانت قاعده ف الرسبشن منتظراهم وبتضرب ليهم م بردو عليها كانت مقلقه ومن القلق بطنها وجعتها
نور بالم: احيي ي بطني وييينك ي فريده
وبقت قاعده وبطنها كان مالمه بطريقه حست كانو ف زول دخل فيها سكينه مشت غرفتها بلعت ليها مسكن حتى هدت ونزلت ورجعت تضرب لي فارس بس على الفاضي ماف زول فيهم برد
......
محمد كان ماسك جسم فريده وكان حاسس بخوف لاول مره يحس بيه اول مره يشوف حبيبه قلبو واقعه وشها كان اصفر وفارس كان بحاول يشيلها منو بس هو ابه والراجل بقى يحاول يشوف لو ف مستشفى فاتحه
الراجل : لا أعتقد أن هنالكى مشفى يعمل الان
محمد بجنون: يجب أن يكون هنالكى مشفى سوف تموت ارجوك ساعدنا ارجوك واصل البحث عن مشفى
الراجل : زوجتي ف الفندق أنها طبيبه أعتقد يمكنها أن تساعدها
فارس: حسنا دعنا نذهب إليها
ومشت وصلو الفندق محمد شال جسم فريده وطلع مع الراجل وفارس دخل لقى نور مسكينه نائمه ف الكورسي قدام الرسبشن من الانتظار فارس مشى لمسها نور طوالي صحت
نور : فارس فريده وين لقيتوها
فارس : تعالي
ومشو لحقو محمد الكان هو والراجل قاعدين براه الأوضه
فارس: مالك
محمد: الدكتوره قاعده تحاول تخفف ليها الحمه وبتقلع ليها هدومها المبلوله
نور بخلعه: ماله فريده
فارس حكى ليها ونور دخلت ساعدت مرت الراجل شويه حتى حمه فريده انخفضت
الزوجه : لا تفزعوا انها بخير لقد بقيت تحت المطر لوقت طويل لكنها سوف تكون بخير
فارس: لا نعلم كيف نشكرك لقد انقذتي حياه اختي الان
محمد : أجل نشكرك حقا لقد اتعبناكي
الزوجه: لا داعي للشكر هذه واجبي ودخلت محمد شال فريده بعد شكل مع فارس وداها اوضتها ونور قعدت معاها وبقت تحاول تخفف من حراره جسمها كل م ترتفع لحدي م هدت شويه شويه نور نامت بدون م تحس
.........
اسيا كانت قاعده ف السوق بتفتش ليها ف هدوم لانو عرس ولدها فضل ليه شويه بقت تفتش هدوم شويه جاها راجل
راجل: مرحبا اسيا لقد مضى وقت طويل
اسيا قبلت لقتو حبيبها القديم ( احااا ي اسيا احااا) عاينت ليه لقت شكلو اتغير كان جسمو رياضي وشعرو الابيض كان مغطي راسو وكان طالع سمحححح ( التركيين عندهم جمال مبالغ فيها ما شاء الله من كبيرهم ل صغيرهم )
اسيا بابتسامه: مرحبا الكس كيف حالك
الكس : أنني بخير بعد رويتك (يراجل )
اسيا ابتسمت ليه
الكس : م رايك أن نذهب لكي نشرب بعض الشاي
اسيا: اعتزر الكس يجب أن أذهب اراك لاحقا
ومشت بدون م تسمعو
الكس : اخيرا لقد وجدتك اسيا لن اتركك مجددا وسوف تتطلقين من زوجك اعدك بهذه
ومشى
........
اصبحنا واصبح الملك لله
فريده صحت بتعب عاينت لقت روحها ف الفندق وبقت نور قاعده وخاته رأسها جنبها ابتسمت ليها لانو نور دي الصحبه الصح بعد محاولات قامت من السرير بدون نور تحس حست بتعب بس اتجاهلتو دخلت الحمام اخدت ليها دش عسى ولعل يهديها واتزكرت الحصل امبارح وأنها م لقت السلسله ( برضو بتفكر في السلسله🌞) طلعت من الحمام نشفت شعرها ولبست بجامه نور صحت لقتها قاعده ف المرايه وسرحانه
نور بدموع: فريده انتي كووويسه
ومشت حضنتها وبكت فريده كانت مبسوطه وبتحمد ربها عليها حقيقي فارس محظوظ ب نور دي لازم يحمد ربو عليها لأنها جوهره م بتتعوض ابدا
فريده: نور أنا كويسه م تخافي والله
نور بعتاب: انتي طلعك ف الجو الزفت امبارح شنو يخ خوفتينا انتي م عارفه الحصل لينا بسببك شنو
وقبل م فريده ترد الباب بتاع الاوضه ضرب فريده لبست إسدال صلاه ونور صلحت شعرها وفتحو لقو محمد وفارس
محمد بابتسامه: فريده كيف بقيتي قلقتينا اصبحتي كيف
فريده قلبها رف رف بسبب كلامو
فريده بابتسامه : أنا كويسه الحمد لله
فارس ببرود عكس الخوف الكان جواهو امبارح: فريده الحصل شنو الطلعك بره الفندق ف الجوء الزفت ده
فريده عاينت لاخوها بخوف وم عارفه تقول شنو هل حتقدر تقول ليهم أنها طلعت عشان تفتش ف سلسله ف الجو السيئ ده
نور : اي ي فريده اتكلمي ورينا لي طلعتي بره الفندق
فريده حكت ليهم كل الحصل
نور بعصبيه : انتي جنيتي ي فريده طلعتي براه عشان سلسله لي عملتي كدا
فريده : عشان السلسله كانت غاليه علي وانتي جبتيها لي
نور : حتى لو جبتها ليك ي فريده كان مكن نجيب غيرها انتي ضحيتي بحياتك عشان سلسله ي فريده. انتي م عارفه الحصل ف فارس ومحمد شنو ي فريده م عارفه أنا من التوتر بطني وجعتني وانتي عارفه لو بطني وجعتني دي مشكله
فارس بعد جملتها دي عاين ليها بقلق وكان عايز يسألها انو هي كويسه ولا لا
نور من الزعل طلعت قبل م تسمع زول فريده دموعه نزلوا
فارس عاين لاختو وحضنها
فارس : كلام نور صح ي فريده أنتي ضحيتي بحياتك عشان سلسله كلنا عارفين غلاوته السلسله دي ع قلبك ي فريده بس م درجه انو تطلعي ف الجو ده اسي م تزعلي وادي نور شويه حتى تهدى وطلع هو زاتو وبقى يفكر في نور البطنها وجعتها ( نور عندها مشكله ف بطنها لو وجعتها م بتروق الا بحقنه وسبحان الله بطنها سكتت لاول مره بمسكن )
محمد عاين ل فريده بحزن وقلبو واجعو عليها بس كلام نور كلو صح م كان تطلع من الفندق بسبب السلسل
محمد بهدوء :فريده كلام اخوك ونور صح
فريده : أنا عارفه بس م قدرت نور كانت بتجمع ف القروش بتعبها رغم انو نحن اغنيا بس بقت تجمع ف قروش م حبت تطلب من فارس وبابا وجمعت براها
محمد: رايك شنو نمشي نشوف المول الليله يمكن شافوها
فريده عاينت ليه بفرح رغم أنها عارفه انو يمكن م يتلقي بس مجرد أنه يساعدها دي فرحتها محمد طلع وهي دخلت لبست ليها عبايه خليجيه حلوه وطلعت ومشو على المول
........
نور جات داخله الأوضه حقتها وهي زعلانه من فريده لاول مره تتشاكل هي وفريده بس فريده بالغت ف العملتو دموعه نزلت اها لو كان حصل شي ل فريده بسسب سلسل شويه وجاء فارس وكان ماسك كيس ف يدو طلع ليها دوا
فارس: هاك جربي الدوا ده يمكن يخفف ليك الم بطنك أنا عارف بطنك حتكون لسه واجعك
نور عاينت للكيس وشالتو وفعلا بلعت الحبايه لانو بطنها فعلا كانت واجعها فارس جاء قعد جنبها وخته يدو ف كتفها
فارس : أنا آسف ي نور
نور : م عليك ي فارس م عايزه افتح موضوع التكسي تاني عايزه انوم لاني تعبانه
فارس عاين ليها وكان فعلا شكلها تعبان
فارس رقد ف السرير وفتح ليها يدها ونور عاينت ليه واتحركت رقدت ف حضنو لانو فعلا كانت محتاجه
نور : فارس ممكن تقره لي قران بصوتك
فارس : حاضر وقره ليها وشويه فعلا نور نامت وهو نام بعديها طوالي
هيييع بعتزررر عن التاااخير الليله نسيت الليله الخميس😂🤍
اعزروني لو فخطاء إملائي ❤️❤️
ياحلوين وروني رايكم في الروايه ف كومنتات 🤍
