نور صحت من النوم لقت روحها كالعاده فارس محاوطه كانت عايز تقوم فارس صحى عاين ليها وكان عايز يتكلم بس نور قامت طوالي ومشت الحمام استحمت مرتين لانو م اتنضفت من مويه البحر بسبب الحصل طلعت لقت فارس ماف م اشتغلت بيه طلعت ليها بنطلون اسود وبلوزه سودا ومعاهو جكت احمر وخلت شعرها مفكوك طلعت لقتو ماف ف الفيلا اصلا قامت طلعت من الفيلا واتمشت لحدي م وصلت ل حتى بعيده وبقت تفكر ف الحصل امبارح فجاه لقت نفس الود بتاع امبارح كان وشو ملان شاش عاينت ليه واتحركت وهو شافها ومشى ليها (م بتعلم اصلو الود ده)
: اعتزر عن الذي حصل أمس لم أكن أعلم أنك متزوجه ولم اكن أعلم أن زوجك
نور قاطعته : ليس هنالك مشكله ارجوك ابتعد عني رجا لا اريد توريطك مجددا
ومشت وهو بقى بعاين ليها بحسره
.....
رجع البيت وكان شايل بوكيه ورد وصندوق فيه شوكلاتات دخل الغرفه لقاها ماف فتش عليها البيت كلو لقاها اتصل ع فريده وسألها قالت ليه انو م شافته فارس بدا يقلق طلع بقى يفتش فيها زي المجنون
....
فريده قامت لبست هدوم وطلعت جري بقت تفتش معاه ف نور وللاسف نور كانت خاله تلفونها ف البيت فتشو ساعات م لقوها ومحمد جاء سألهم وروهو وبقى يفتش معاهم زي المجانين
...
نور كانت ضيعت طريقه وصلت ل حتى منعزله من الناس خافت وبقت تحاول ترجع من الطريق الجات منو بس ماف امل وبقت تحاول لمده ساعات لدرجه انها بكت
نور : فارس وينك
وهناك فارس بفتش عليها زي المجنون وهو خايف يحصل ليها شي وهو عارف انها طلعت عشان تخفف من زعلها بس م لدرجه تختفي مره وحده
الدنيا بدت تضلم وكلهم بفتشو ف نور حتى ناس الأمن بقو يفتشو ف نور
فريده : وينك ي نور مشيتي وين
فارس قعد يبكي من الخوف عليها ومحمد بحاول يصبر فيهم أما الشرطه بقت تفتش فيها
.....
نور كانت قاعده جنب حجر وتبكي وخايفه وم عارفه هي وين ندمت ع اليوم الاتشاكلت فيه مع فارس واليوم الطلعت فيه فجاه سمعت صوت حيوان وفجاه بقت تعاين كدا وبقت ترجف وهي م عارفه ده شنو وبقت تبكي زياده وف اصوات جايه عليها الساعه صورخت باسم فارس والحيوان كان زئب بقت تعاين ليه وهو بعاين ليها وفجاه قامت جرت وهي بتصورخ والزئب بوراها
نور : فارسسس انقذني ي فااااارس
وقامت جاريه وفجاه اتعترت بسبب الحجاره وبقت تعاين للذئب وهو بعاين ليها
نور : فااااااارس
الزئب جرا عليها عايز يلتهمه بس ف صناره مسكتو ونور تبكي فجاه سمعت صوت
فارس : نووووور
نور قامت وعاينت ليه وجرت عليه وحضنتو وهو بحضنها زاتو كانت نور خايفه وانهارت من البكاء
فارس : خلاص حبيبي انا هنا خلاص
نور : سوقني من هنا عليك الله ي فارس م عايزه اقعد ف المكان ده ولا ثانيه
فارس : طيب خلينا نرجع الفيلا
وفعلا رجعو الفيلا وفارس نوم نور بعد عزاب طلع لقى فريده ومحمد قاعدين
فريده : لو م كان جينا ف الوقت المناسب كان حصل شنو
فارس : ربنا ستر انا م قادر اصدق انو لو م جينا ف الوقت المناسب كان حاخسره
فريده قامت ومشت حضنت اخوها
محمد كان نفسو ف الحضن ده ( الناس ف شنو وأستاذ محمد ف شنو ) شويه وفريده ومحمد طلعوا بقو يتمشو فريده اتزكرت الحصل امبارح
الحصل امبارح:
كانت بتبكي بقوه ومحمد كان بعاين ليها
محمد: صورخي ي فريده صورخي م تكتمي بجواك
فريده صورخت لحدي م ارتاحت
محمد: ارتحتي
فريده ابتسمت ليه : ايوا شكرا ليك
محمد: فريده انتي لازم تكوني سعيده لانو السعاده ف وشك حلوه يعني الحزن م يليق ل ناس حلوه زيك سوري انا م بعرف اتكلم بس انا القولتو ليك ده حقيقه نمشي بعد ده
فريده. بقت بتعاين ليه وبعداك قامت ومشو
نرجع
فريده : شكرا ي محمد ع كلام امبارح وانك كنت معي لمن م كان ف زول معي
محمد عاين ليها وابتسم ليها : فريده اعتبريني صحبك واحكي لي أنا حاكون معاك ف كل حاجه حكون سند ليكي
فريده عاينت ليه وابتسمت وصله الفيلا حقتها
محمد: تصبحي ع خير وم تفكري ف حاجه الحصلت ل نور
فريده : أن شاء الله مع السلامه ودخلت وقفلت الباب ومحمد بقى يعاين ليها بابتسامه ومشى
.....
بليل الساعه تلاته صباحا نور صحت من النوم بتصورخ
فارس : خلاص ي نور م تخافي انا جنبك م تخافي
نور حضنتو وبقت تبكي : كان حياكلني ي فارس كان حياكلني انا م كان معي زول
فارس : اسف ي نور اني خليتك براك واني صورخت فيكي اوعدك اني م اخليكي براك تاني
نور سكتت وكمان بكاها وهو بحاول يهدي فيها شويه هدت
فارس : رايك شنو نمشي نصلي الصبح حاضر
نور رفعت راسها ليه وهزت ليه رأسها بمعنى اي دخلت هي اول شي اتوضت ولبست اسدالها وبعداك قام فارس دخل وبقت منتظراهو عشان يصلو جماعه المهم طلع وصلو جماعه وقرو شويه قران وبعداك فارس قبل لقى نور بتبكي المهم شالها وداها السرير ورقدها ثواني وكانت نور نائمه ف حضن فارس
فارس : مستحيل اخليكي تاني ي نور مستحيل ونام هو زاتو من التعب
اصبحنا واصبح الملك لله
فريده صحت بدري اتسوكت واستحمت واتوضت وصلت وقامت مشت المطبخ عملت ليها فطور لأنها كانت جعانه اكلت وشربت النسكافيه بتاعها ودخلت غرفتها لبست هدوم سباحه وطلعت مشت سبحت لحدي م فترت قامت استحمت وطلعت التراب الفيها كلو ولبست ليها فستان اصفررر حلوه مع حجاب اسود وعملت ليها ميكاب حلو
وبعداك حست بالزهج قامت فتحت تلفونها وكانت متررده تتصل ليه ولا لا لكن ف النهايه اتصلت ليه
محمد بنعاس: امم
فريده : محمد
محمد هو قام من السرير بعد سمع صوتها : فريده ف حاجه
فريده : لا بس صحيت بدري وكنت زهجانه وم لقيت زول غيرك لو م قادر تقوم ارجع نوم انا بحضر لي مسلسل واسفه ع الازعاج
محمد ابتسم لي لطافتها : معقوله فريده صاحيه وانا انوم نص ساعه بس اغير واجيكي تمام
فريده ابتسمت : اوكي منتظراك
وقفلت هي مبتسمه : اخ ي ربي انا حبيتو بجد ياريت يعرف شعوري المخبيه ليه من خمس سنين
....
محمد قام دخل استحمى لبس ليه بنطلون جينز اسود وقميص اصفر ( م تسألوني بس حبيت البسو اصفر زي فريده ) واتريح بريحتو المفضله وطلع مشى ليها وعاين ليها بعجاب واضح
محمد: بقيتي تحاكيني ي فرفوره
فريده وهي مبتسمه من لقبها البقولو ليها: لا انا م بقلد الناس بتقلدني اسكيوزمي
محمد ضحك عليها : بالله
فريده : والله
محمد: طيب رايك شنو نمشي كافتريا ناكل لينا شي
فريده : انا اكلت لكن م مشكله زياده الخير خيرين
وطلعو مشو ع الكافتيريا وطلبوا اكل ليهم واتونسو سوا وكانو مبسوطين انو علاقتهم بدت تتطور كدا جاهم الأكل بقو يأكلو
الاحداث الحصلت ل نور من نمذج الخيال فقط م عارفه لو جزر المالديف ف حيوانات او لا
كل سنه وانتو طيبين يمزز🥺🤍
م تنسو فلسطين والسودان من دعواتكم
اعذروني لو فخطاء املائي ❤️ ❤️
