مره اسبوعين فارس بقى احسن وعلاقتو هو ونور اتحسنت كتير كان قاعده بتعالج ف مريض تلفونها اتصل لقتو فارس
ردت
فارس: وينك ؟
نور: اجي ي فارس فالمستشفى
فارس: طيب دوامك بانتهي بتين
نور عاينت للساعه: بعد ساعتين كدا بخلص
فارس: خلاص رسلي لي اللوكيشن اجي اسوقك عشان عايز اتكلم معاك ف مووضوع
نور : خلاص تمام
ورجعت تشتغل وتشوف المرضى عايزين شنو
..........
صحت من النوم مخلوعهه
محمد: فريده حبيبي مالك
فريده بقت تتنفس بصعوبه وعاينت لي محمد ودموعي بتنزل
فريده : ح حلمت ب نووور
محمد عاين ليها بحزن عارف انها مشتاقه ليها لانو نور دي كانت قريبه منها شديد وصحبته المفضله يعني م تشوفها خمس سنين وم تسمع صوتها ده حار
محمد: فريده لو ربنا اراد حتلاقو ان شاء الله انا عندي احساس اننا حنشوفها انتي بس ادعي انها تكون كويسه
فريده عاينت ليه وم اتكلمت معه ورقدت ف صدرو وهو بقى يقرا ليها قران لحدي م نامو لانو بكره وراهم سفرر تايلند
...........
الفجر اذن صحت من النوم مشت اتوضت وصلت وبعداك عاينت لي راجله وابتسمت
اسيا: عبدالله هيا قم لكي تصلي
عبدالله صحا ودخل واستعد ومشى الجامع صلاه وجاء لقى اسيا بتقرا ف قران ابتسم ورقد نام لانو حصحى حمشي الشغل بعد شويه اسيا قعدت تقرا لحدي ما الشمس طلعت نزلت عملت ليهت فطور وقهوه واكلت
..........
دوامها خلص وكانت تعبانه نفسها ترجع البيت بس بقت منتظره اتاخر فجاه سمعت صوت زياد بوراها
زياد: نور تعالي اوصلك انا زاتي دوامي خلص
نور: لا شكرا ي زياد منتظره زول
زياده باستغراب لانو هي م بتعرف زول غيرو هنا
زياد : منتظره منو؟
جاه صوت بارد من وراهم: منتظراني انا
نور وزياد قبلو نور ف اللحظه جاها هبوط
زياد رفع حاجبو: انت منو؟
فارس عاين ليه وبعداك عاين لي نور: م عندك شغله ارح ي نور
نور كانت عايزه تمشي وزياد كان دير يتكلم
نور بابتسامه: م تخاف ي زياد انا بعرفو
ومشت مع فارس وخلت زياد مستغرب ده منو عاين ليهم كدا ومشى اتصل على خطيبتو وبقى بتونس معاها(ترااااا م تختو ف بالكم حاحب نور الود طلع مخطوب🤭)
.........
نور وفارس ركبو وفارس شغل غنيه ومشى نور كانت لسه ف صدمه انو فارس م دقه زياد
فارس ابتسم وعارف انه هي مصدومه من كدا عاين ليها
فارس : عارفك بتفكري ف شنو بس انا اتغيرت ي نور بقيت م زي زمان
نور عاينت ليه وسكتتت شويه وقف بالعربيه نور استغرب
نور: لي وقفنا
فارس ابتسم ليها: تتزكري قبل يومين لمن شلت منك جوازك؟
نور : اي ولي اسي م عارفه لي
فارس : اجهزي ي نور الليله بالليل حتمشي لي اهلك ف تركيا
نور من الصدمه فتحت خشمه بقت م قادره تصدق انه هو عمل كدا وحتشوف امها وابوها واخوها اخيرررا وميرا مرت اخوها نور دموعه نزلت من الفرحه فارس كان بعاين ليها ومبتسم عارف هي قدر شنو اشتاقت لي اهلها
