فجاه قطع نظراتهم صوت الباب فارس ف سرو حسبي الله فيك ي الفي الباب ليلتك سودا وطلع مشى ع الباب لقاهو البواب
البواب : استاذ فارس ازيك
فارس ببرود : اهلا
البواب : انا امي عيانه عايز الاجر بتاعيي الليله اسف والله م عندي حل
فارس ببرود : طيب دقيقه
طلع تلفونو واتصل ع زول
فارس : مراد رسل ٥٠ الف ل البواب بتاعت الفيلا حقت نور
مراد: حاضر
وقفل
البواب : شكرا ي استاذ فارس
فارس ببرود : عفوا وقفل الباب وطلع لقى نور ماسكه موبايله وبتتصور ابتسم ليها
فارس : يمزه شكلك نسيتي انو عندك قرايه
نور بزعل طفولي : نسيت والله
فارس ابتسم ليها : ارح نقرأ شويه
نور باستغراب : نقره
فارس : اي ومسك يدها ونزلو فتح باب غرفه كان في مكتبها متزينه بزرع وزهور وكان طالعه رهيبه
نور باندهاش : وااووو
فارس بابتسامه م بتظهر الا ليها : عجبتك ؟
نور : اي
ومشو المكتبه فارس بقى يقري ف نور لحدي الساعه وحده بليل
نور بزهج : زهجت ي فارس
فارس : طيب ارح نمشي نوم
نور : اي ارح البيت
فارس : لا حنبيت هنا الليله
نور استغرابت لكن سكتت
ومشو غرفتهم كانت ف صوره كبيره معلقه فوق سريرهم فيها هي وفارس وكان فارس أجبرها تتصور الصوره دي فارس مشى ع الدولاب شال هدومو
فارس : نور ف هدوم ف الدولاب شيلي منها
نور هزت ليه رأسه هو دخل الحمام وهي بقت تعاين الغرفه
.....
فريده كانت قاعده بتقره وزهجانه جاتها رساله من فارس بتقول بكره امي عزمانا فطور لازم تجي
فريده: الله اشتقت ليها شديد
المهم بقت تشوف استوريهات صحباتها فجاه جاتها استوري محمد وهو خاتي صوره ليهو كان طالع فيها مزززز
فريده بغيظ : حيكون ف كم بت ف واتسبك ده
......
محمد هو بعاين ل رقمها وعرف انها شافت الاستيت بتاعتو ومبتسم
محمد بحب : انا لازم اخليكي تحبيني ي اميرتي بس ارجع السودان م حخليك ثانيه وحده
وقام من السرير دخل اخد ليه دش وبقى بفكر في فريده لازم يخليها تحبو لازم يخليها تنسى الخوف الفي قلبها ده طلع لبس هدوم سودا ف سودا زادتو جمالا و اتريح بعطره المفضل ونزل قابل مازن ف الشارع سلم عليه
مازن : ارح يمان اعزمك غدا
محمد ببرود : م عنو هو عشاء لكن اوكي
ومشو ل مطعم فخم وطلبوا اكلهم
مازن: نحن لي منتظرين تعليمات فارس عشان ننزل السودان مش انت مدير برضو
محمد : اي لكن ف اشغال كدا لو ظهرت ونحن ف السودان حتضيع مننا لازم نكون هنا
مازن: امممم
وصل اكلهم اكلو واتونسو ورجعو الفندق محمد شال تلفونو واتصل ليها
......
فريده تلفونها ضرب عاينت للرقم
فريده: يخ ده وقتك
ردت
فريده : نعم يعني الساعه متاخره
محمد : اشتقت ليكي ي اميرتي
فريده: يشتاق ليك بلوه انت منو و يخ عذبتني ف حياتي دي
محمد: انا قولت ليكي انا راجلك المستقبلي يماما
فريده : ياخي راجلي وشكلو واسمو م بعرفو
محمد: عما قريب حتعرفي ي اميرتي
فريده : اها م قولت عايز شنو
محمد: وانا قولت ليكي اشتقت ليكي
فريده تيييت قفلت الخط ف وشو الزول م ناقص عواره ف حياتو وبعدين انا لي صحي م عملت ليه بلوك مشت الحمام استحمت صلت وقفلت النور ونامت
