වසත් දා ස්වර - ✔️

015🎶

වී වාරේ..............

.

" ඔහෙන් පටන් ගනින් කොල්ලෝ.. "

හරක් රංචුවම බස්සලා මගෙ කුඹුරම විනාශ කරල දාපු නන්දෙ මාමගෙ කුඹුර හාල බිත්තර වී වලට හැංගෙන්න පාර හදල දුන්නෙත් උන්දැගෙම හරක් ටික වෙනකොට " උඹේ අතින් වී ඉස්සොත් යායම සරුයි කොල්ලො ඒ තරමට උඹෙ අත් ගුනේ " කියල කියාපු එකට රැවටිලාද කොහෙද මාත් නන්දෙ මාමලයි කුඹුරට බැහැල තිබුන.

ගොයි රාළේ......

කොහෙන් ගියත් පුංචි බේබි නං තනි නොතනියට කොහෙන් හරි එබිල බලනව.

තොටු පොලෙදි අරක් ගත්ත කලු කුමාර දිශ්ටිය වගෙ පිදේනි දාහක් දුන්නටවත් යවාගන්න බැරි මහානාමෙ හිච්චි ලාන්සරෙ මඩට බහින්න හදනකොට ආයෙ ගොඩට එලවගත්තෙ මම.....

පුරුදු එකක් යැ.... පුරුදු වෙන්න ඕනත් නෑ.....

පලවෙනි කෑල්ලට හා හා පුරා කියල බිත්තර වී ඉහාපු මම ගොඩට ආවෙ වක්කඩෙන් කකුලුත් හෝදගෙන..

ආයෙ පහල කෑල්ලට ඉහන්න යන්න උඩහ ටික ඉවරයක් කර ගන්න ඕනි හින්දත් වෙලා තියන හින්දත් මම පුංචි බේබිට ටිකක් එහායින් වෙන්න වාඩි උනා...

" සිහිලැල් බේබි... එන්න එහා වාඩියට තේ ඩිංගක් බොන්න.... කොල්ලො උඹත් වරෙන් කහට ටිකක්වත් බොන්න.... "

" හා මාමෙ එන්නං මාමා යන්න... '

" නන්දෙ ටිකක් ඉන්න.... " එන්නං කියල යවාපු නන්දෙ මාමාව නවත්තගත්තෙ පුංචි බේබි..බලපු බැල්මෙ හැටියට නං නන්දෙයා හොඳ පදෙන් අහගන්න වගෙ යන්නෙ...මට මීක් සද්දයක් ඇහුන්නෑ....

" නන්දෙ ඇයි මට විතරක් ගරු සරු තියල මිතිලට වරෙන් පලයන් කියන්නෙ.... "