سبحان الله وبحمده سبحان الله العظيم
استغفر الله العظيم واتوب إليه
اللهم صل وسلم وبارك على سيدنا محمد.
.
رياض طلع الصبح وكان واضح من وجها انه مضايق..
علاش مضايق؟؟
ولاد خوه مدايرين حزب .. ومش معبرينه .. قبل مجرد ما يشوفوه يجوه يجروا..
تنهد وركز في سواقته .. طبعا بيكرهوه .. لأنهم ميعرفوش شيء اصلا!
هو وصل للشركه .. ولما خش لمكتبه وشاف اللي مقعمز فيه ..
رفع حاجبه ..
صفوان: الاتصالات موقفوش امس .. كأنك تسرعت؟
رياض: كيف خشيت؟
صفوان ابتسم بخفه: نخشلك لدار نو..
رياض خبطه على راسه: لم لسانك خير
هو صفوان من قوة الخبطه لين راسه قدم .. وسكت بصدمه ...
حصل عنفقه .. صفوان ولد الطاغيه حصل عنفقه؟؟
رياض قعمز في كرسيه: متسرعتش .. اللي نبيه يصير في الوقت هاده قاعد يصير..
صفوان: اتاعب في روحك هلبا .. ومستهين ب خليفه هلبا حتى هو
رياض: متعرفنيش .. ونعذرك ..
صفوان: نعرفك فوق ما تتصور .. نعرف عليك أدق التفاصيل .. انت وكل فرد من عيلتك ..
رياض : من اتصل بيك؟؟
صفوان: هلبا تشعبات .. ومش بس ليا الاتصال .. حتى ل خليفه وباقي أولاده.. المهم امس نفخولي راسي ..
رياض هز براسه: بيصير هكي .. وياما بيصير..
صفوان: اتصالك ب خليفه هداك اليوم .. خلاه هازي .. بس امس .. وجها كاين ولأول مره يظهر فيه الذهول.. كان مش مصدق .. ونادم كيف مخبركش من قبل .. وكيف كان هازي عليك وانك بيدق يحرك فيك بوك كيف ما يبي ..ميحسابكش تحكم ..
رياض: حلم بوك قاعد يتحقق .. ان ينضم ل قبيله كبيره تزيده قوه .. حتى في وخدته في مرت بوك .. اللي قتلوها اماليها بعدين.. كان يبي يتقوى بيها ..
صفوان هز براسه ك تأييد ل كلام رياض..
صفوان: بس ميغركش.. خليفه ميتعرضش ل نفس الغلط مرتين ..
