မှော်ကမ္ဘာမျက်လှည့် | ဦးငယ်
{ သဘာဝလွန် ဝတ္ထုတို ဖြစ်ပါသည်။ }
=|=|=
• အခန်း ၁
တစ်ယောက်ထဲ လာခဲ့မိသည့် ကောင်လေး
တစ်ယောက်။ သူ၏ ဘဝနောက်ကြောင်းကို ပြန်
ဖြေရှာကြည့်သော်လည်း ဝဲလည်နေသော သံသရာ
စက်ဝန်းအတွင်းက လာခဲ့ရလေသူ။"အူငဲ……ငဲ…… အူငဲ……"
ဤကား သူ၏ ကိုင်စွဲထားနေကြ လက်နက်
တစ်ခု။ ရင်ကို ရှိုက်လို့ ထွက်လာသည့် အသံ
အချို့။" ခစ် ခစ် ခစ်ခစ် အဟီးဟိ "
ဤသည်ကားလည်း သူ၏ ထမင်းစား လက်မှတ်။
သူ ဘာကြောင့် ဤသို့ဤနှယ် လုပ်နေမိသည် မသိ။
သေချာကတော့ လူဘဝတစ်ခု၏ အစအတွက် အငို
အရယ်က သူ့အတွက် ခိုကိုးရာ လက်နက်တစ်ခု
ဧကန် ဖြစ်ပေလိမ့်မည်။မိခင်ဝမ်းကနေ တစ်ယောက်ထဲ လာခဲ့ရာ
က အသက်ရွယ် တဖြည်းဖြည်းကြီးလာသည်အထိ
မိခင် ဖခင်ဆိုတာ သူ့အတွက် မရှိ။ ဂေဟာလေး
တစ်ခုမှာ ချစ်စဖွယ်ကောင်းအောင်နေထိုင်မိရင်း
နောက်ဆုံး မွေးစားမည့်သူကို မျှော်မိသော်လည်း……။ရွယ်တူ ကလေးတွေသာ တစ်သုတ်ပြီး တစ်
သုတ် ၊ တစ်ယောက်ပြီး တစ်ယောက် ပါသွားခဲ့
သည့်နောက် ကျန်နေရစ်ခဲ့သူက သူ တစ်ယောက်
သာ။ ထို့ကြောင့်လည်း တွင်ကျန်သည့် အမည်
နာမက 'မင်းကျန်' တဲ့။မင်းကျန်…… ။ ဟုတ်တယ် သူ့နာမည်က
မင်းကျန်။ လမ်းဘေးတစ်နေရာမှာ လွင့်ပစ်ခံ
ခဲ့ရာက မိဘမဲ့ကလေး ဖြစ်ခဲ့ရသူ။ ဂေဟာမှာ
ကျိုးကြားကျိုးကြား လာရောက်လည်ပတ်တတ်
သည့် သူတကာတို့ အချစ်နည်းသည့် မင်းကျန်။အမှန်တော့လည်း မင်းကျန်ဘဝကား
အထီးကျန်မှုနှင့်သာ စတင်ခဲ့သည်မို့…။ထူးဆန်းမှုတို့ အလည်အပတ်ရောက်လာပြီး
ပက်ပင်း မတိုးမိခင် သကာလ မင်းကျန် ဘဝ ဖြတ်
သန်းခဲ့မှုကား ဤသို့ဤနှယ် ဤပုံဟန်ပင်
တည်း။=|=|=• အခန်း ၂
မင်းကျန်တစ်ယောက် ဂေဟာက ပြေးထွက်
လာခဲ့သည်မှာ ကြာခဲ့လေပြီ။ လက်ထဲတွင်လည်း
ပန်းကုံးအချို့။ မနက်တခင်းလုံး သူ့အတွက် မအား
မလပ်။ လက်ဖျံကလေးထက် ပန်းရနံ့တို့ သင်းနေ
တတ်သလို သတင်းစာအချို့ကလည်း ရံဖန်ရံခါ ရှိ
တတ်သေးသည်။
أنت تقرأ
Normal Fiction သီးသန့်
القصة القصيرةအစအဆုံး Normalအချစ်ဇာတ်လမ်း သီးသန့်တွေ စုစည်းတင်သွားပေးပါမည်။ #ဦးငယ်