مسحت دموعها بكف يدها لأنو سبيل النجاة ظهر قدام عينيها ، ركضت للسيارة الموقوفة على طرف الطريق ، و قبل ما تلحق حست بيد تحاوطها تبعدها على مبتغاها استدارت بقوة تشوف شكون؟
طاحت عينيها في شاب في أواخر العشرينات بملامح حادة و عيونو تبسم هذا الأخير و نطق
" مش بهذي السرعة الآنسة أنوشكا "
" شكون نتا ؟ "
" مبعوث السي بافل "
دقت النظر فيه لكن دون جدوى هي ما أدراها بأشكال رجالو ، انتبهت أنو لحد الآن مبعدتش ذراعو على خصرها رمقاتو بنظرة تفيقوا على عمرو و هو فهمها طايرة، بعد عليها لبعض السنتيميرات و عاود تكلم معاها
"نظن هذا مشي وقت تقعدي تخمي آنسة أنوشكا، إذا تأخرنا دقيقة وحدة معناه حياتنا راح تنتهي على يدهم"
كلامو صحيح هي أصلا من البداية رايحة و معلابلهاش شكونهم واش لي تغير الآن لازم عليها تهرب قبل ما يلحقوهم
" وين نركب؟ "
أشارلها لسيارة كانت قبل اللي كانت راح تركب فيها، راحت ليها و أخذت مكان فالمقاعد الخلفية أمّا هو أخذ زمام القيادة و طار بيها بعيد عن ذاك المكان المشؤوم.
خذات شهيق و زفير لعدة مرات فالارتباك و الخوف للحظة هاذي مغادرش قلبها إطلاقا، شافت فالشاب اللي كان يسوق لعلها تلتقط أيّ حاجة خارجة عن المألوف إلّا أنّو ظاهر كشخص عادي كيفهم تماما، بعد ما سكن قلبها قليل من الراحة و السكينة راحت تسقسيه على جدتها فالممكن يعرف مكانها و يطمنها عليها
" جداتي وين راهي و علاه مراهيش معانا "
" متتقلقيش عليها راهي في مأمن و تستنا فيك، و الأحسن متكونش معاك هكا نشوشوهم "
هزت راسها بتفهم رغم أنّ الأكشن اللي صارية مش فاهمة منها أيّ حاجة ما عارفة هوما شكون و لا هي شكون و أي الطرفين الصالح حتى و لو تشوف كلاهما طالح لا يملك ذرة صلاح رافدين السلاح و يشروه لبعضاهم و كأنها رمز للرجولة و القوة ، طرحت سؤال بدافع الفضول
" و مزالنا رايحين لايسجيفيك؟ "
نفا براسو " لا تبدلت متوجهين لموسكو "
معقبتش على الخبر لي عطاهولها لأنو ميهمهاش وين يروحو إطلاقا المهم تكون آمنة و محمية من يديهم .
جازت ساعات طوال و هوما فالطريق لأنو الرحلة من بطرسبرغ لموسكو تاخذ وقت خاصة أنهم كانو أقرب لايسجيفيك من موسكو، و هي حست بالملل و النعاس في آن واحد و هذا خلاها تتخذ وضعية مريحة و تتكسل على مقاعد السيارة و تغوص فالنوم متجاهلة كل شي قدامها فاللي جوزاتو هذا اليوم مش قليل و خارج عن العادة و المألوف ليها.
فتح فمو يضحك عليها مقدرتش تتحمل اللي صرا، وجها فاللحظة اللي شافها فيها كان يشرح كلش مزيج بين الخوف و الرعب ، حاير كيفاه راح تعيش مستقبلا بما أنو تقريبا حياتها منا و جاي راح تشبه و لو قليلا الحالة هذي
أنت تقرأ
البراتفيا-الوريثة الضائعة (باللهجة الجزائرية)
Action⟨⟨БРАТЬЯ -𝐓𝐇𝐄 𝐋𝐎𝐒𝐓 𝐇𝐄𝐈𝐑𝐄𝐒𝐒⟩⟩ كرونيك باللهجة الجزائرية تتكلم عن المافيا الروسية المعروفة في العالم باسم البراتفيا أو المافيا الحمراء كي تلقى بطلتنا بعد ما كانت عايشة مع جدتها فروسيا وحيدة في أحد القرى وسط أخطر رجال المافيا فالعالم و توض...
