بعد مدة ابتعد دانيال عن ناظريها تاركها غارقة وسطهم و توجه ناحية فتاة في عمر الرابعة و العشرين صهباء فور ما لمحاتو اتسعت ابتسامتها و سارعت الخطى ليه تحضنو و الآخر بادلها العناق و راح رفقتها قاعدين في حديقة على إحدى الكراسي شدت يدو و تكلمت " علبالك بلي توحشناك عندك بزاف مجيتيش "
" ظروف يا فيرا ، عارفة عندي مسؤوليات بزاف و باش جيت اليوم تلاعبت "
هبطت عينيها هي علبالها ڪونو عندو ارتباطات ڪثيرة لڪن واش دير فهي من اللي فطنت تعرفو و متعلقة بيه و غير يتأخر عليها تحس فراغ كبير " أنا قتلك خليني نجي خدامة لداركم "
" شحال من خطرة قلت خلينا من هذا الموضوع فيرا "
مطت شفافها بانزعاج " و معا من جيت قالولي جبت طفلة معاك "
" ايه جيت مع انوشكا لأنو من الأساس خرجت معاها و كون مشي هي مانيش هنا "
تسائلت باستغراب " و علاه؟ "
" ببساطة خرجت معاها باش نعدللها أوراقهم بأمر من بابا و جبتها لهنا في طريقي علبالي كون مجيتش نقعد مدة طويلة باش تصحلي "
" واش تكون هذي الطفلة؟ يعني أول مرة نسمع بيها "
قلب عينيه بالانزعاج تقريبا كلهم من صغيرات للكبيرات غاروا منها بدون سبب " بنت صديق بابا و دوك ولات عايشة معانا و جزء من عايلة "
رفعت حاجبيها متفاجئة " ايه و كيفاه جاتك؟ "
" هايلة، إنسانة هادئة و تبان ذكية، مثقفة اول مرة نلقى بنت مهتمة بالقراءة ڪيما هي و عينيها شابين "
ظهرو على ملامحها علامات الانزعاج " مليح "
ابستم " متقوليليش غرتي منها فيرا "
هزت راسها بنفي " و علاه نغير منها ، قولي شحال عمرها "
" واحد و عشرين سنة ، و نورمالمون تقرا أدب روسي كانت عايشة في بطرسبرغ جاية قصيرة وشي عليك و تبان قل من عمرها "
"هذا كامل تعرفو عليها"
" ايه و مزال الوقت و نعرف كثر "
ناظرها و كانت الغيرة أخذت تنهش قلبها بالتأڪيد و صارت ظاهرة على وجها مد يدو يسحب بعض خصلات شعرها البرتقالية و بدا يتكلم يحاول ينزعلها و لو قليلا من غيرتها هذي " لكن عيبها أنها شقراء و أنا منحبش الشقروات "
شافت فيه بنص عين كلامو مقنعهاش خاصة كونو مدحها بزاف قدامها " متحشيليش تبان من عينيك بلي عجباتك "
أنت تقرأ
البراتفيا-الوريثة الضائعة (باللهجة الجزائرية)
Akcja⟨⟨БРАТЬЯ -𝐓𝐇𝐄 𝐋𝐎𝐒𝐓 𝐇𝐄𝐈𝐑𝐄𝐒𝐒⟩⟩ كرونيك باللهجة الجزائرية تتكلم عن المافيا الروسية المعروفة في العالم باسم البراتفيا أو المافيا الحمراء كي تلقى بطلتنا بعد ما كانت عايشة مع جدتها فروسيا وحيدة في أحد القرى وسط أخطر رجال المافيا فالعالم و توض...
