في بلاصة أخرى من مدينة موسڪو داخل قصر جالس على مكتبو و ملامحو تعڪس الغضب خبط المڪتب و عيط مخاطب الرجلين اللي واقفين مقابلينو مطأطأي الرأس " واش معناها حڪمو بافل و ماتوا ڪامل رجالنا و حتى الطفلة و مجبتوهاش أنا مخدم عندي رجال و لا عاهـ•ـرات"
نطق واحد فيهم يعتذر " اسمحلنا سي ديميتري "
عيط حتى برزت عروق رقبتو " واش فايدة السماح بعد ما فشلتو ، قولولي لدوك باش تجو وين كنتو "
" ڪنا نحوسوا عليها لڪن ملقيناهاش لا هي لا ڪسينيا "
زفر بضيق و غلق عينيه يحاول يهدي نفسو حتى ما يتعدى الحدود معاهم " أعطيني تيليفونك "
شافو بعضاهم و مد واحد فيهم هاتفو ليه خذاه من عندو و بدا يڪتب في رقمها و يدعي في قلبو أنو تجاوب بعد مدة زمنية معينة تم الرد و تسلل صوت أنثوي لأذنو خلاه يبتسم
" معايا الآنسة أنوشڪا "
"إيه انوشڪا شڪون نتا"
" ميهمش نسحق جداتك السيدة ڪسينيا إذا راهي معاك اعطيهالي "
" اوڪ دقيقة نروح ليها و نمدهالك "
ابتسم على جوابها ڪان خايف تڪون ماشي معاها بعد فترة صارت المڪالمة معاها
" انوشڪا مزالها قدامك "
" إيه "
" شوفي ڪسينيا نتي و أنوشڪا لازم تخرجوا من تم و خصوصا نتي لأنو الحاجة اللي تخليها تبقى معاهم هي نتي ، في أي فرصة تسنحلك اللي راح نوفرهالك أنا طبعا، أرواحي للمكان اللي كنتي تجي ليه قبل عشرين سنة شافية عليه "
" ايه مزالني شافية "
" مليح لازم نصححوا خطأ اللي ارتڪبتوه رفقة بافل و هڪ ننهوا مهمتڪ ، بافل واش صرالو مات "
" معلاباليش مشفتوش "
" معليش "
و غلق الخط في وجها " ڪسر البيس تاعك ، و اخرجو من قدامي "
تراجعوا من قدامو خارجين مخليينو يخمم " مبقاش بزاف ألڪسندر و عهد ميخايلوف فالمافيا يطيح من اقرب الأشخاص ليها "
شافت فيها و عطاتها تيليفون و عينيها يتفحصو ملامحها الواضح مزالها زعفانة منها تنهدت بقوة مما خلى أنوشڪا تلاحظ إلا أنها تجاهلتها علابالها لو تهدر راح تخسر و هي مش حابة تڪسر الاحترام اللي بيناتهم إطلاقا و خرجت مخليتها تخمم ها هي النهاية تقترب علاقتها مع هذي الطفلة مبقاش و تخلاص، مسحت وجها بكلا كفيها تتمنى خططهم تسير كما يجب و تعيش أنوشڪا مع عايلتها بعيدا عن المافيا حتى و تڪون مستغلة لڪن الأفضل العالم الوحشي هذا تجهلو و تبقى مش دارية أنو والدها رجل عصابة سفاح ، نذل و أمها قاتلة مولعة بسفك الدماء هي فتاة بريئة تنجرح من أبسط الأمور حتى و هي وارثة الجبروت و العنف من والديها إلا أنها نقية و عفيفة ملازمش تكون على عرش البراتفيا و تتولى واش ترڪ سيمون و تانيا من عفن و بذاءة.
أنت تقرأ
البراتفيا-الوريثة الضائعة (باللهجة الجزائرية)
Azione⟨⟨БРАТЬЯ -𝐓𝐇𝐄 𝐋𝐎𝐒𝐓 𝐇𝐄𝐈𝐑𝐄𝐒𝐒⟩⟩ كرونيك باللهجة الجزائرية تتكلم عن المافيا الروسية المعروفة في العالم باسم البراتفيا أو المافيا الحمراء كي تلقى بطلتنا بعد ما كانت عايشة مع جدتها فروسيا وحيدة في أحد القرى وسط أخطر رجال المافيا فالعالم و توض...
