وصلت سيارة من نوع BMW للقصر اللي يوحيلك طرازو أنّو له من العراقة ما يفوق العقود أمّا مظهره ينفي عراقته و يبينلك أنّو حديث عندو عدة سنين فقط ، تفتحت الأبواب على مصرعيها تستقبل الداخل ، فتح تاقة و خاطب الحارس
" قوللهم بلي جيت "
هز راسو موافق و دلف للداخل حتى وصل للصالة جامعتهم كاملين
" السيد دانيال راه وصل "
وقف جوزيف و راح خارج يشوف خوه، فور ما جات عنييه عليه و هو خارج من طونوبيل تبسم رفع ذراعتيه للسما و خلاهم حرين فالهواء كأنه يستقبلو للأحضان
"مرحبا بيك دانيال ميخايلوف ، بصح مش كيشغل بطيت رانا تعشينا و شوي نروحو نرقدو"
" الطريق طويلة أصلا معلاباليش كيفاه حتى وصلت "
هبط يديه و قرب منو " مصرالك معاها حتى مشكل "
"لا ، فنص طريق رقدت و مزالها راقدة "
خبطلو كتفو بخفة " أنا لازم تحلبني كيفاه درتها "
رسم ابتسامة على شفافو " خلاص مش مشكل هاك "
عطالو مفتاح طونوبيل و كمل قال " نوضها و لا ارفدها أنا راني جيعان و نعسان ، غدوة نحلبك "
خزر فالمفتاح اللي فيدو و عطاه لأحد الخدم باش يدي السيارة و راح باش يشوف شكون هي أنوشكا لافروف فتح الباب، قرب منها كانت راقدة على ظهرها و شعرها غطا وجها بعد خصلاتها الشقراء المبعثرة لامس خدها بحنية بإبهامو الأيمن و تبسم تبان هادية و معطاهش قلبو ينوضها حاوطها بيديه و رفدها باش يدخلها للداخل
" أدي طونوبيل تاع دانيال للڨراج "
دخل و هو حاطها فحضنو و غير لمحوه توجهت الأنظار كلها ليه و هذا شي سببلو إزعاج نوعا ما و خاصة أنو إيلينا
بدات تبث فكلامها
" ايه سي جوزيف مكاش علبالي بيك راقي و نبيل لهذي الدرجة "
هبط عينيه يشوف فيها إذا فطنت إلّا أنّها داخلة فسبات عميق جاه صوت خوه أندريه يحاول يستفزو
" خايف نوضو سندريلا "
غمض عينيه بنفاذ صبر شحال يكره استفزازاتهم و حركاتهم هذي " وراه بابا و ماما "
جاوباتو إيلينا " طلعو كي عرفو بلي راهي راقدة "
قرب ليه أندريه ماد يدو ليها " خليني نشوفها "
بعد عليه جوزيف بسرعة و راح طالع " كي تنوض تشوفها "
رفع حاجبو مستغرب " مريض، توأمك واشبيه "
مطت إيلينا شفافها " و أنا وين علبالي "
"قلت بلاك، مهم أنا ني رايح"
"لوين"
دار ليها و رفع نجديه بتكلف " للبار نسكر و نجي "
رمقاتو بنظرات قرف " تعيف علبالك "
أنت تقرأ
البراتفيا-الوريثة الضائعة (باللهجة الجزائرية)
Action⟨⟨БРАТЬЯ -𝐓𝐇𝐄 𝐋𝐎𝐒𝐓 𝐇𝐄𝐈𝐑𝐄𝐒𝐒⟩⟩ كرونيك باللهجة الجزائرية تتكلم عن المافيا الروسية المعروفة في العالم باسم البراتفيا أو المافيا الحمراء كي تلقى بطلتنا بعد ما كانت عايشة مع جدتها فروسيا وحيدة في أحد القرى وسط أخطر رجال المافيا فالعالم و توض...
