جازو أربع ساعات بداو فيهم الخادمات يقدمو وجبة العشاء في ڪل غرفة أما ألڪسندر فكان اللي قالوا و خذا زوجتو للعشاء خارج البيت و في ذاك الوقت في وحد البار في أحد شوارع موسڪو كمل حوالي ست كؤوس خمر على اختلاف أنواعو من شامبانيا للنبيذ الأحمر للفودڪا الروسي رغم هذا الڪل إلا أنو الغصة مزالت داخلو و صورة باباه متجسدة أمامو عاش الإذلال بما تعنيه الڪلمة لو ڪان تجي قدامو هذيك الساقطة ڪون راح قتــــ•ـلها دون تردد دار بكرسيه ناحية الجمهور اللي قاعد ، المڪان مڪتظ على راسو أڪثر من مطعم تاعو يجمع الرجال و النساء الساقطات طبعا ضيق عينيه و هو يراقب فحرڪات الراقصة اللي قبالتو قطع تركيزو صوت جورج "واش عجباتك نجيبهالك"
شاف فيه بتقزز " مجرد عاهـ•ــرة خليها ليك "
ضحك مستغرب " واقيل الشراب أثر فيك سي دانيال "
" مأثرش أنا عفت هذو العاهــــ•ــرات "
" واش حاب مثلا جيب عذروات يعني دانيال نتا إنسان فاسق أڪيد راح تتلاقى بهذا الصنف، و زيد راك في بار باينة بلي متلقاش عفيفات "
تنهد بعمق " انا قتلك ني نحوس على وحدة نتا مڪلوب جورج، صحا دوك قولي ڪاين الفوق شومبرة نرقد فيها ماشي حاب نروح للدار "
"ايه ڪاين بصح زعما تقدر تمشي"
هز راسو "إيه عادي مشربش بزاف ملحقتش قرعة خلطت برك"
و وقف على رجليه إلا أنو جورج راح ساندو مطلعو للفوق وين كان مڪان عبارة عن غرف ڪانو يحطو فيه أشخاص اللي يخلصو باش يمارسو الفاحشة، قعد فوق السرير و قبل ما يخرج جورج خاطبو بتحذير "بلاك دخل كلبة لهنا نقتلها"
"خلاص متتقلقش"
شاف فيه بحدة اومبعد تكسل ماد رجليه عينيه بداو يثقالو و شعور غريب انتابو خاصة كونو خلط في نوع المشروبات اللي احتساها حتى تفكير صار مشوش و عقلو ولا عاجز و بعد مرور وقت رقد.
دخل بخطوات ثابتة حذرة موجد روحو لتوبيخ لڪن الهدوء منتشر في المڪان بطريقة غريبة توجه لصالة الطعام عقد حاجبيه الطاولة فارغة سأل خادمة كانت جايزة " تعشاو اليوم بڪري "
" لا سي أندريه السي ألڪسندر أمر باش نبعثوه للغرف، و دوك نحيبولك "
نفى براسو " مڪلاه "
و طلع لشمبرتو إلا انو فضول مغادروش رفد تيليفونو عندو شخص واحد يقدر يسقسيه و يبوحلو بڪلش بعث ميساج لختو إيلينا ( تقدري تقوليلي واش اللي صرا)
و راح يدوش ڪي خرج توجه لهاتفو لقا أبال من عند مساعدو جورج عقد حاجبيه مستغرب الاتصال، راح يعاودلو باش يعرف علاه معيطلو و هي مسألة ثواني و رفد عليه " واش غير خير معيطلي "
"منعرف حسابك نتا حبيت نقولك على خوك دانيال جا لعندنا و راح يبات هنا و يبانلي مشي مليح قلت نخبرك"
أنت تقرأ
البراتفيا-الوريثة الضائعة (باللهجة الجزائرية)
Acción⟨⟨БРАТЬЯ -𝐓𝐇𝐄 𝐋𝐎𝐒𝐓 𝐇𝐄𝐈𝐑𝐄𝐒𝐒⟩⟩ كرونيك باللهجة الجزائرية تتكلم عن المافيا الروسية المعروفة في العالم باسم البراتفيا أو المافيا الحمراء كي تلقى بطلتنا بعد ما كانت عايشة مع جدتها فروسيا وحيدة في أحد القرى وسط أخطر رجال المافيا فالعالم و توض...
