ရုတ်တရက် အိပ်ခန်းထဲကိုဝင်သွားတဲ့ဟယ်ချန်းကို ဂျဲနိုနားမလည်စွာသာရပ်ကြည့်နေမိသည်။ စီနီယာဂျင်ယောင်းဆီက ဟယ်ချန်းအိမ်ပြန်ရောက်ရဲ့လားဆိုတာ လှမ်းမေးတဲ့ဖုန်းဝင်လာတော့မှ အကြောင်းအရာကိုနားလည်သွားတော့သည်။
“ ဟဲလို စီနီယာ ”
“ ဂျဲနိုရား မင်းအိမ်ပြန်ရောက်ပြီလား ”
“ ဟုတ်ကဲ့ စီနီယာ ”
“ ဟယ်ချန်းနီရော ”
“ ရောက်ပြီစီနီယာ ခုနကပဲသူ့အိပ်ခန်းထဲဝင်သွားတာ ”
“ အေးပါ နည်းနည်းဂရုစိုက်ပေးလိုက်ဦး သူမင်းကိုနာရီဝက်လောက်ထိုင်စောင့်နေသေးတာ မင်းမလာတဲ့အဆုံးမှ ငါငှားပေးတဲ့တက္ကစီစီးသွားတာ ”
စီနီယာ့ဆီကဖုန်းချသွားမှ
ဟယ်ချန်းကိုတစ်ယောက်တည်းထားထားခဲ့မိတာကို နောင်တရသွားရသည်။ ကြည့်ရတာတော့ ဟယ်ချန်းကသူ့ကိုအတည်ကြီးစိတ်ဆိုးသွားလေပြီ။
ချက်ချင်းချော့ရမလား၊ မနက်မှသူကြိုက်တာလေးတွေချက်ကျွေးပြီးချော့ရမလား တွေးနေရင်း ပူပူနွေးနွေးရည်းစားမမဆီက ဖုန်းဝင်လာတာမို့ ဟယ်ချန်းကိုချော့မယ့်ကိစ္စကိုနောက်ပို့လိုက်တော့သည်။
.
မျက်လုံးတည့်တည့်ကိုထိုးနေတဲ့နေကြောင့် ဟယ်ချန်းစိတ်ရှုပ်သွာအိပ်ရာကနိုးလာရသည်။
လိုက်ကာပိတ်ပြီး ပြန်အိပ်ဖို့ကြံလိုက်ပေမယ့် မနေ့ညကရေမချိုးခဲ့တဲ့အကျိုးဆက်ကြောင့် ခန္ဓာကိုယ်တစ်ခုလုံးစေးထန်းနေပြီမို့ ပြန်အိပ်ဖို့အကြံကိုလက်လျော့ကာ ရေချိုးခန်းထဲကိုသာ ဝင်ခဲ့လိုက်တော့သည်။
မို့အစ်နေတဲ့ မျက်ဝန်းအစုံကို မှန်ထဲမှာမြင်လိုက်ရတော့ မနေ့ညကအဖြစ်အပျက်တွေက ခေါင်းထဲမှာပြန်ပေါ်လာတာမို့ သွားပွတ်တံကိုင်ထားတဲ့ ဟယ်ချန်းရဲ့လက်တွေလျော့ရဲသွားရသည်။
သူဂျဲနိုနဲ့မျက်နှာချင်းမဆိုင်ချင်သေးပါ။
ထို့ကြောင့် တနေကုန်အခန်းထဲမှာပိတ်နေရင်း ဖုန်းသုံးနေဖို့ပဲဆုံးဖြတ်လိုက်တော့သည်။
.
ပုံမှန်ဆို မနက်စောစောနိုးတတ်တဲ့ဟယ်ချန်းက မနက်ဆယ်နာရီကျော်အထိ အိပ်ခန်းထဲကထွက်မလာသေးတာမို့ ဂျဲနိုမှာ ဟယ်ချန်းအခန်းနားမှာ တဝဲလည်လည်လုပ်နေမိသည်။
တံခါးခေါက်လိုက်ဖို့တွေးပေမယ့် အိပ်ပျော်နေသေးတာဆိုရင် နှိုးလိုက်သလိုဖြစ်သွားမှာစိုးတာကြောင့် မခေါက်နိုင်သေး။
YOU ARE READING
7 9 4 2
Fanfictionအချိုမြိန်ဆုံးငရဲကိုဘယ်လိုခေါ်လဲသိလား?! အဖြေက ' Friend Zone ' တဲ့
