🌸 " حِينَ انوِي " 🌸
🍃 الحلقة الـ22🍃
ومن تهدريزي علي منصف لقيتها الساعة 7 ❤ محسيتش بالوقت وانا نهدرز عليه عسسسل الولد 😍 رقدت ونضت علي صوت تليفوني شفته ولقيتها جوجو ❤
انا / الو !
جليلة / قاعدة راقدة نهارك 😱
انا / علاش الساعة كم ؟؟
جليلة / الساااعة 1 نوضي شن راقدة لتوا
انا / تي باهي مزال بكري سااهل كله
جليلة / باهي نوضي سادك وابدي طيبي
انا / بااااهي يا حليلي
جليلة / شن مفكرة اديري ؟!
انا / سؤال الليبين البايخ 😩 تحسسو فيا إن رمضان للماكلة ، راهو الناس تقرا فيه وتصلي فيه وتسبح لله مش ماكلة ماكلة ماكلة
جليلة / ماشي يا شيييخة صباااح 😂
انا / باردة 😂 شن جو بنياتي
جليلة / باهيات اهو بعتهم لعمتي
انا / العفو ، زي ما إنتِ بطيبي ومتبيش دوشتهم حتى هيا بطيب
جليلة / لا هيا مطيبش ، انا نطيب وانزل لوطة
انا / اه باهي فيك الخير والله
جليلة / اسكتي مقتلكش ؟!
انا / شنوووو ؟؟
جليلة / غير بري توضي وصلي وصحصحي وبعدين ساهل
انا / باهي طيري
نضت توضيت وصليت الظهر وبديت ف الفطور واتعب حاجة 🙅
محمود خش / السلامُ عليكم
انا / وعليكم السلام
محمود مدلي شكاير / هاك اه ، بنرمضن عندكم الرمضان هدا
انا شفتله بمعنى علاش / 😨 ؟؟
محمود اتكى ع الرخامة / تعاركنا امس ، وحطيتها ف حوشهم
انا شفتله / لا حول ولا قوة الا بالله ، رمضان شهر خير علاش العراك هدا ؟؟
محمود / فوتيه الموضوع ، انا طالع تبي حاجة ؟
انا / لالا كفيت وفيت حمودا سلامتك
محمود / تبي حاجة اتصلي بيا
انا / باه حاضر . . طلع محمود وانا كملت تطييب وكملت ال7 شوية وخش ايوب
ايوب / جوري كانو فيه فلوس ع االكومديني متاعي إنتِ حولتيهم ؟
انا / اي مبكري ضميت الدار حطيتهم ف الدرج
ايوب / اما درج ملقيتهمش تعالي شوفيهم !
انا / شورك متعرفش ادور حاجة بروحك بكل ، ومشيت طلعتهمله
ايوب / بنعطيهم لمنصف يرفعهم للصلّاح سيارتي وقفت
أنت تقرأ
🌸حين أنوي🌸 "مكتملة"
General Fictionروايه باللهجه الليبيه ومنقووووله للكاتبه بلقيس مكتملة "قراءة ممتعة "
