🌸 " حِينَ انوِي " 🌸
🍃 الحلقة الـ23🍃
انا / تعااالى يا خرا انا نبيك ، اسمعني والنبي وراس وخيي الغالي نرفعهم لمهند
منصف / ياااي خايفة علي حبيب القلب راهو المامي دارتله فتووور
انا / مبرررردك 😂😂😂 برا ارفعله هيا هيا علي خاطري
منصف / هااااتي وخداهم مني وطلع
خالد / وييين ؟؟
منصف / هادم عشي من مرت خوي لراجلها
انا ف الممر نندب ف خدودي / 😨😨 يا حشمتي يا عاري يا حشمتي يا عاري تو نوريك يا منصف ، وخشيت لعمتي فريدة
فريدة / هيا بنتي نوتو السفر وقت راهو
انا / حاضر هي ..
فريدة / نديرو سفرة وحدة ؟
انا / نديرو الطاولة اللوطية ف الجنان احسن مع بعض
فريدة / باهي هي
وبدينا نوتو ف التمر والحليب والحلو والقهوة
انا / المحلبية تبوها توا ولا بعدين ؟
فريدة / لا خليها ف الليل نكسدو فيها علب موضوعنا 😉
انا / موضوع شنو ؟
فريدة / ف الليل تو نهدرزو فيه
مر الوقت وحني نضمو ونغسلو ونخسنو ف الموالح وطلعنا سفرة الحليب وقعمزنا وشوية واذن المغرب وبدينا نفطرو
خالد / هي شني بتمشو للجامع ؟
فريدة / العفو اقعدو صلو بينا حتى حني نبوهم ال27 درجة
منصف / صح إنت يا بوي مسكر التطبيق ياسرك صلي بيها
حني / 😂😂😂😂😂😂
انا / ايوب صلي بينا إنت صوتك حلو 😍
ايوب / باهي هي
محمود / خلي تو نتوضا هي
خش محمود توضا وجي وبدي ايوب يصلي بينا ، صوته روعة ف القرآن ❤🌸 ، صلى بينا ولما كملنا خشينا نطلعو فالموالح وبدينا ناكلو
منصف / بننتقد يمة معليشي ف حاجة ؟!
فريدة / شنووو وإنت ديما بتنتقد
منصف / طياب كنتك احلا منك
فريدة / عاد هيا بنية صغيرة تشبح ف الاكلات ف النت انا دابي داب بوريك وبيتزا وطاجين الحاجات الزمنية 😒
منصف / مليح حصلنا طباخة
فريدة / بتسافر الطباخة هني روحك 😝
انا قعدت نشوفلهم شن يخرطوا هادو ؟
كملنا فطور وقمنا سفرة الماعين وجت بتغسل معاي
أنت تقرأ
🌸حين أنوي🌸 "مكتملة"
Fiksi Umumروايه باللهجه الليبيه ومنقووووله للكاتبه بلقيس مكتملة "قراءة ممتعة "
