🌸 " حِينَ انوِي " 🌸
🍃 الحلقة الاخيـرة الجـزء الاول 🍃
طلع الدكتور وجوه التلاتة تلمدو عليه
خالد / ش شن يا دكتور طمنا ؟؟؟
الدكتور / للاسف المريضة متعرضة لانهيار عصبي وحالتها النفسية حرجة جداً يعني في احتمال كبير انها تخش غيبوبة الله اعلم امتى تفيق منها ، والضغط نازل هلبا هلبا
مهند كان واقف قعمز / امي 😳💔
منصف / كيف باهي دكتور مفيش علاج مفيش حاجة ؟؟؟
الدكتور / ح تقعد تحت الملاحظة 24 ساعة لو ما فاقتش ح انحولوها لاخصائي نفسي وان شاء الله بالشفاء
منصف / بارك الله فيك دكتور 💔
خالد قعمز / شفتو لوين وصلتونا ؟
منصف / كللله من ولللد اهوا ، الفترة الاخيرة كلها وهو يعيط عليها ويرفع ف ايديه قريب حتى يضربها وانا سااااكت ديرله حل ياااا بوي اهوا من الاخير
خالد / خلاااااص عاد خلاااااص ، امكم قريب جلطتوها وقتلتوها تبوني يصير معاي نفس الشي ولا كيييف
مهند ناض وطلع بسرعة وهو مش شايف قدامه
انا نضت مأخر فطرت ودوشت وبدلت وتوضيت وصليت الظهر ولبست وقعدت نستنى ف مهنك بس فاتت الساعة 1 وجت 2 ، 2:30 ، 3 ، وما جاش اتصلت بيه
انا / الو
مهند / ايواااا
انا / مهند وينك نستنى فيك بش بنطلعو؟
مهند / تي وين نطلعوووو وامي ف المستشفى بسببي وييين 😡
انا / كييييف 😱 علاش خيرها شن في
مهند ميبيش يحكي / شي تعبت علينا ورفعناها للعيادة
انا / وين اما عيادة ؟
مهند / ف عيادة ال###### " وسكر "
انا / شن صارلها هادي ؟؟
انا طلعت وعلي خشة ايوب
انا / جيت وجابك ربي ايوب
ايوب / شن في خيرك ؟
انا / عمني فريدة رقدوها ف عيادة ال### اللي بحدا حوشي
ايوب / علاااش لاباس ؟؟
انا / مش عارفة الحق توا مهند قالي ، ق بالله عليك نبيك ترفعني
ايوب / باهي شوفي فرح بالك تمشي معاك
انا خشيتلها / ..... ،
شني تمشي معاي ؟
فرح / لالا اليوم منقدرش الحق تعبانه 😣
انا / باهي براحتك !! ، وطلعت ومشينا انا وايوب وخشينا ولقينا خوتها وعمي خالد ومنصف ومهند قدام الغرفة ، خشيت الداخل
أنت تقرأ
🌸حين أنوي🌸 "مكتملة"
General Fictionروايه باللهجه الليبيه ومنقووووله للكاتبه بلقيس مكتملة "قراءة ممتعة "
