🌸حين أنوي🌸 "مكتملة"

الحلقه 7

🌸 " حِينَ انوِي " 🌸

🍃 الحلقة السابعة 🍃

طلعو بيا وليد وجليلة لنفس العيادة اللي كنت فيها ودخلوني علي طول لنفس دكتوري وشوية وطلعلهم

جليلة / شن صار يا دكتور ؟؟ طمنا الله يربحك

الدكتور / حرارتها وصلت لل40 مسببلها صداع وضغط ع العيون وهدا كله لان محصله ترضريضة علي كتفها المكسور

جليلة / 😳😳💔 ترضريضه؟

الدكتور / لو محدش ضربها ف اكيد زالقة او هكي .. وتوا عطيناها مسكن الم وركبنالها تغدية ومخفض حرارة تكمل التغدية وتقدرو تروحو بيها وبالشفي ان شاء الله

وليد / بارك الله فيك دكتور مشكور

الدكتور / واجبي .. خشتلي جليلة ووليد وقعدت تسأل فيا وقلتلها زلقت

وسيم اتصل بوليد / الو

وليد / ايوا وسيم " لما سمعت اسمه كرهت روحي "

وسيم  / شن صا معاكم ؟

وليد / لا باهي توا . قال محصلة ترضريضة علي كتفها لمكسور

وسيم بلع ريقه / ا ا باهي لا باس ان شاء الله

وليد / سلمك .. وسكر

وسيم / اوووف شن درت انااا 😩

قعدت انا شبه دايخة وكبدي دارهة غير امتى نروح ولما تمت جت لممرضة فكتهالي وشربت امية وطلعنا روحنا لقينا العيلة ف الجنان يحمدولي ع السلامة وانا مش قادرة حتى ندوي من الحرارة ركبت بدون ولا كلمة وعلي طول تلوحت ف دار لمعيشة وغطتني جيجي ورقدت بلا ما نحس ب شي 😣🔥

.
.
نضت بالضبط علي اذان لمغرب كان الحوش هدووء لقيت جنب راسي تليفون جيجي استغربت فتحته ولقيت رسالة من وليد ناديتها ومردتش عرفتها مخليتهولي فتحتها وكانت " جوجو انا جليلة طلعنا انا وعمتي والصغار بناخدو شوية حاجات مش ح نعطلو خليتلك فوني والنت كسدي بيهم ولو قلقتي انزلي تمشي الجنان اللوطي فاضي مافي حد " سكرت التليفون وحطيت بطنيتي علي جنب مكنتش قادرة نطبقها 💔 توضيت وصليت العصر والمغرب وقعمزت ع التلفزيون 📺 لان وجهي من منضر تليفونات
للاسف 🌑 خديت النت و التليفون ولبست وشاحي ونزلت قعدت نتصفح ف ايميلها ونتمشا مرت نص ساعة وسمعت صوت ورايا 😳 انا وقفت وجمدت مكاني 💔 ونراجي غر امتى تجيني ضربة ولا قتلة ولا خطفة مش عارفة شن ممكن يصير غمضت عيوني وبلعت ريقي وانا ساكتة ونرعش وعيوني دمعو خلاص قربت نهايتي . والصوت بدا يقرب مني فجأة فتحت عيوني ونشوف جنبي قطوسة تتمشى 😳😳 قصدي شنو ؟ شنو شنو ؟ قطوووسة ؟؟؟ رجليا من الخلعة معش قدرت نوقف عليهم وقعمزت ع الارض بقوة ومنعرفش علاش انهرت وقعدت نبكي 😭💔 والقطوسة هربت من الخوف مسكينة 😂💔
شوية وانفتح باب حوش لعيلة اوكِ يعني مش ناقصة خلايع انا 😭💔