🌸حين أنوي🌸 "مكتملة"

الحلقة 18

🌸 " حِينَ انوِي " 🌸

🍃 الحلقة الـ18 🍃

مرو عليا كم يوم عادي ، مهند يتصل ومنردش عليه نهائياً ومفهمتش علاش يتصل ولا انا ولا هو نحبو ف بعض ؟! ، يبعت ف رسائل وانا ولا كأن ، لين خلاص شكله طفح الكيل عنده و جاني وطق الباب وهو عارف ان ايوب مش قاعد ف لوقت هدا ؟

انا فتحت وانصدمت متوقعتاش يجي .. وخرت وسكتت /

مهند يشوفلي ببرود وساكت /

انا نشوفله وخايفة يدير اي ردت فعل /

مهند / ردي عليا !

انا سكتت /

مهند بهدوء / ردي عليا ، تمام ؟

انا استغربت من هدوءه ورديت / تمام..

مهند قعد يشوفلي وساكت /

انا تعقدت منه ومنعرفش كيف قتله / هيا بنسكر لباب

مهند / متفتحيش لاي حد ! والرجالة متفتحيلهمش مهما كان ! راجل جليلة ردي بالك تقابليه من غير حجاب باهي ؟

انا / منقابلش فيه من غير متقولي 😒

مهند / عارف ، اي صح ، وقللي مشياتك لحوش اختك باهي ؟

انا قمت راسي وشفتله / ؟؟؟

مهند / يُفضل يعني ، وإنتِ عارفة علاش تقريباً

انا / باه تو بتشدهالي يعني ؟؟؟ متصدق عاد أنت تلقى اي شي يضايقني

مهند / لا والله ما نبي ولا حاجة اضايقك

انا شفتله وسكتت /

مهند / ما تبي شي توا ؟

انا / لا س.. " وسكتت "

مهند تنهد / خشي تو نسكره الباب

انا خشيت للحوش وهو سكر باب الجنان وشوية وخشلي محمود

محمود / جوووووري ؟ جوووري ؟

انا جيته / خييييرك خير بلاك تعيط ؟

محمود / شن كان يدير هدا هنا ؟

انا / قصدك مهند ؟

محمود / اسمعي هنا يا فرخة الفروخ مش كانا راجلك خلاص ! مفيش لقاءات الا قدام عيوننا فاهمة ولا 😡

انا / والنبي فوتني فاضية حتى انا نسمعلك ماقاللكم حد زوجوني ليه تحملو ما يجيكم 🚶 ، مشيت لداري وخليته يتمتم ، لقيت مهند متصل بيا 3 مرات والرابعة شرين ف ايدي

انا رديت وقعدت ساكتة /

مهند / محمود كلمك ؟ دارلك حاجة ؟

انا / جي تمتم ومشي معدلتش عليه

مهند / كلمته انا برا قتله متمسهاش

انا / لا اصلاً محمود مسمياته ابوبدر لا يهش لا ينش