🌸 " حِينَ انوِي " 🌸
🍃 الحلقة السادسة 🍃
نضت غسلت الطاسة والسفرة وانا نعاني بإيد وحدة 😂 وطلعت رقدت ونضت تاني يوم علي عياطات الفرخات وهما ينطو وينقزو فوق راسي
انا / 😳😳💔 تي خيييركم خيييركم
ارين / قتلك زليلة نووووودي الثاعة 8
ارام / حووولي انتِ حلاها لاقدة 😡
ارين / زليييلة قتلي 😡
ارام / حووولي . ودفتها وطاحت من السرير
ارين بدت تبكي / يااااااا مااااماااا 😢
انا / لالا يا ارومتي وخيتك معش تضربيها حبيبتي باهي؟
ارام / به
جليلة / اريييييين؟ ارييييين؟ الكلبة نزلت 😳 . وخشت لوليد ف الدار
جليلة / ولييد ؟ وليييد؟؟
وليد / همممم 😤
جليلة / نوض كلم بنتك 100 مرة نقوللها معش تنزل الصبح بكري وتقربع ف البيبان وتنفتر علينا 😡
وليد / علاش من مكلمها؟
جليلة / متعاركة هيا واختها
وليد / خلاص فوتاها
جليلة / لالا تتعلملي قلة الادب ميمشيش معاي هكي نوض ركبها
وليد / باااهي باهي . وناض غسل وجهه وتوضى وصلّى وطلع
وليد / صباح الخير يام
فاطمة / صباح الخير وليدي . شني نايض بكري اليوم مش من عوايدك تنوض بكري
وليد / وهو اللي عنده هالبنات يقدر يرقد؟
فاطمة / قول الحمدلله يا ولدي في اللي يتمناهم وما محصلهم
وليد / الحمدلله علي كل حال❤ وين مشت الشيطانة هديكا
فاطمة / عيب عليك 😂 خشت لعمها
وليد ناض وخشلها لقاها خاشة ف وسيم ومغطية وجهها وخايفة /
وليد بتفنيص / تعالي هني😡
ارين / الا ااالا 😢
وسيم ناض ولقاها راقدة تحته شافلها وانخلع / خيييرك ارين؟ شن في انت خيرك؟
ارين / بيدلبني هو وماما😢
وسيم / علاش بتضربوها انت وماما؟
وليد / تي يا راجل متعاركة هي واختها ع صبح ربي وتنفتر على امها وقربعت باب الحوش قريب قلعاته 😡 تعااالي قتلك انا 😡
ارين / وثيييم كلمه 😢
وسيم / خلاص يا راجل صغيرة .. برا وخلاها
وليد خش جبدها / لما نقولك تعالي تعالي 😡
ارين / 😢
وسيم / والله تمسها انت ولا جليلة ماني مسامحكم لا دنيا لا اخرة 😡
أنت تقرأ
🌸حين أنوي🌸 "مكتملة"
Художественная прозаروايه باللهجه الليبيه ومنقووووله للكاتبه بلقيس مكتملة "قراءة ممتعة "
