🌸 " حِينَ انوِي " 🌸
🍃 الحلقة الـ12 🍃
انا / ايوووب تعالى تغدا هي
ايوب / هيا هي.. وجي قعمز
خش احمد وبصوت واطي / جوري وين لغدي امالاها ف الشارع وصلو نوضي سخنيه
انا شفت لايوب وشفتله واطربقت ضحك / 😂😂😂😂😂 قصدك من جدك عابين بندير غدي لامالي هالة ؟
احمد / 😳 ق قصدك مااا درتيش؟؟
انا / لا طبعاً يعني انا لا نخدم عليك ولا نخدم عليها ولا عليهم
احمد / ياااا عن.. 😡 تي والله لما نقتلك الله .. وطلع
انا / 😂😂😂
ايوب / احسن ما درتيله . تقة خوك لا يجيب ولا يصرف ويبي غداه وعشاه واتي
انا / لا خليك انت ، مبكري نزلت حنان وقتلي قتلك هالة ديري غدي اماليا بيتغدو عندي
ايوب / 😤 مبرد دمها الخامرة اهيا
انا / اسمع حي عليا من احمد انت بتطلع وهو اكيد بيضربني 😥
ايوب / نتغدو ونحطك عند فرح باهي 😉
انا / به ياريت 😍
تغدينا وغسلت لماعين ع السريع ولبست عبايتي وطلعت
ايوب / كانا تبيش تلبسي عبايه البسي بلوزة طويلة وسروال عادي
انا / حقا 😳 واحمد ومحمود ؟
ايوب ضحك / مليهمش علاقة فيك بري البسي اللي يعجبك ☺
انا / به 😍 وخشيت نجري لبست بلوزة طويلة وسروال وطلعت للجنان نستنى ف ايوب💃
محمود خش / تعالي تعالي ؟
انا / شنو ؟
محمود / طالعة ان شاء الله ؟
انا / اي
محمود / و شني اللبسة هادي وين ؟؟ وين عبايتك
انا / منبيش نلبسها
محمود / نععععم شن علي كيفك هو ؟؟
انا / اي علي كيفي
محمود / لا مش علي كيفك خشي غيريها يا حمارة 😡
ايوب طلع / تؤ تؤ خيرك تزن انت ؟ انا مش قتلكم اختي محدش يدخل فيها ؟
محمود / اختنا كلنا مش اختك بس وبعدين لما حني الكبار نقولو كلمة انت معش تتدخل فاهم ولا 😡
ايوب قرب منه هلبا ويكلم فيه / لما تبدا معتبرها بجديات اختك وترفع وتجيب فيها وتصرف علي حوش العيلة
ومش منقص عليها شي وقتها نعتبرك خونا الاكبر مننا " ووطى صوتا " وبعدين ما انت ماشي بكلام مرتك حنونة حتى انت زي خوك كيف صار درت حس حتى انت !
محمود / يااااا عن 😡 " وكيف بيضربه ايوب وخر "
ايوب / تؤ متحاولش صعبة عليك الحاجات هادي . وشافلي . هيا جوجو
أنت تقرأ
🌸حين أنوي🌸 "مكتملة"
Fiksi Umumروايه باللهجه الليبيه ومنقووووله للكاتبه بلقيس مكتملة "قراءة ممتعة "
