🌸 " حِينَ انوِي " 🌸
🍃 الحلقة الرابعة 🍃
وسيم قعد يشوفلي لين تعقدت وقتله / عادي تجيبلي امية ؟ .. مع اني كنت منبيش لكن طلبتها منه باش يطلع
وسيم / حاضر هي لحظة . وهو طالع تلاقى مع جليلة
جليلة استغربت / وسيم؟؟
وسيم ارتبك / هاتيهم البنات نرفعهم معاي
انا عرفته انحرج / خليهم يمشو معاه بيجيبلي امية انا قتله
جليلة / باهي
ومشي جابلي امية وعطاها لجليلة من فم الباب ورفع لبنات ومشي ..
جليلة / شن توا حالك احسن ؟
انا / الحمدلله بخير ☺ احسن من بكري الحق
جليلة / اعطوك مسكن ماهو
انا / احسن .. الم زي السم .. امتا بنطلع؟
جليلة / اكيدة غدوة
انا / شن بيفوت هاليوم 😤
جليلة / يفوت يفوت ..
احمد يدور الجنان وايوب طالع من حوشنا
احمد واضح عليه التوتر / ايوب شن حال اختك ؟
ايوب / ههه شن حال " اختك " ؟ علاش انت مش اختك ؟
احمد / يا ايوب تكلم بلا جو زايد
ايوب / لما تزورها تو تعرف حالها . وطلع وخلاص
احمد / البهيم اهوا 😡
اتصل ايوب ب جليلة وسألها عليا اذا كنت فقت او لا وقالتله .. وجابلنا غدي وعصاير وجا
ايوب / كولي كويس يا جوري خيرك تنقشي
اما ابتسمت / اهو ناكل يا ايوب
ايوب / انتي روحي لبناتك انا بنبات اليوم
جليلة / به .. واسمع انا بنروح بيها لحوشي راهو
ايوب / وعلاااش تروحي بيها ؟ ومنو بيا انا ؟
جليلة / علي اساس بدير حاجة وهي ايدها مجبسها .. وبعدين خليها تتنفس شوية
من احمد بككل راهو مزودها من الاخير..وبعدين انا اللي بنخدمها مفيش غيري
ايوب / حق والله .. ديري رايك
مر الوقت وروح وليد وبدل وجاني وما خلا ما جاب الحق وامه سمعت بيا بعتتلي برودو وشربة عدس وهو جايب شكارة كلها عصاير وشكاليط وكيكات ومش مخلي شي ❤ عيلة الله يبارك الحق ف الكرم .. وروحت جليلة وقالتلي
غدوة نجيك .. وهي مروحة خطمت علي حوشنا رفتلي توتات ولبسات واوشحة وروحت بيهم لحوشها
جليلة خشت الجنان لقت عمتها " فاطمة " وعمها " المبروك " مقعمزين يشربو ف الشاهي
ردو/ وعليكم السلام
أنت تقرأ
🌸حين أنوي🌸 "مكتملة"
قصص عامةروايه باللهجه الليبيه ومنقووووله للكاتبه بلقيس مكتملة "قراءة ممتعة "
