🌸حين أنوي🌸 "مكتملة"

الحلقة 36

🌸 " حِينَ انوِي " 🌸

🍃 الحلقة الـ36 🍃

فاطمة / نوضو ديرو عصيدة

هاجر ناضت / تو انا نديرها

ميسون / لا والله ما صارت ، تو نديرها انا بلكي تطلعي حامل حتى انتي يورينا وسيم بعدين 😂

هاجر / لا مستحييل

انا استغربت من كلمتها / علاش العفو ؟

هاجر / قصدي كيف مدايرة تحليل ههه مفي شي !

انا / ااه

وناضت للمطبخ .. وبدت ادير فيها وقعدنا نهدرزو لين حطتها ، وكلينا ونضت انا غسلت لماعين ومعاي هاجر ..

انا / شن جوك هجورة ؟

هاجر بضيق / كويس ،

انا / خيرا جوك مش حلو

هاجر / لالا ما في شي 😊

كملنا وقعمزنا نهدرزو لليل ، كلمني مهند وقالي انزلي لبست عبايتي ووشاحي ونزلت لقيت وسيم ف الجنان وقفلي !

وسيم / جوري استني شوية

انا فته وكملت طريقي /

وسيم جبدني من ايدي / قتلك شوية انا

انا عيطت / حوووول ايدك 😡 ، ونحوله ف ايده ورفعني ورا حوشهم

انا / نحي راااجلي برا نحي مكسورررتك

وسيم / اطلقييي منه جوووري 😡 اطلقيي خلاص انا نحبببك ، انا مش قااادر نحبهاااا ولا نتأقلم معاهاااا ولا قاااادر نتقبلها جوري..

انا / تي حول مكاصيرك راجلي يتصل ، ودفيته وطلعت بسرعة وخليته واقف

مهند / خيرك داهشة ؟؟

انا / الدروج يدهشو

مهند / ديري بالك مرة تانية !

انا شفتله / مدايرة بالي ولا يهمك 💔

.
.
وسيم واقف ويمسح ف وجهه بايديه

هاجر / كل شي نتوقعه منك الا انك تكلمها ف حوشنا وجنانا

وسيم انصدم / هاجر 😳 ؟

هاجر / هاجر اي ، هاجر اللي اضملك واطيبلك وتغسلك وغير شن تبي يا وسيم ، وانت كل يوم عرايك وهم وغم ، معشتش اياماتي زي باقي العرايس بكككل ، نظاهر بإني سعيدة لكن خلاااص طفح الكيل بعد اليوووم ، ياريتك درتها وما خديتني قبل العرس ، خسارة يا وسيم ، انا ح نروح لحوشنا وح نخليهالك واااااسعة وعريضة ، ومتخافش مش
ح نتعبك معاي ، تو خوي يجيني

وسيم / هاجر اسمعني قبل

هاج / منبيش نسمع شي بالله عليك ، اصلا شن اللي مزال بسمعه بعد اللي سمعته ، وخشت لحوشها اللي كان جنب لعيلة وكلمت خوها