🌸 " حِينَ انوِي " 🌸
🍃 الحلقة الـ19 🍃
انا بعتت لمهند / " اليوم ايوب قالي بنطلعو بناخدو شوية حاجات نطلع معاه ؟ "
رد عليا / " هو انا نقدر نقولك لا ❤ ؟ بري والبسي عباية "
انا / " به 😒 "
بما ان النت عندي مفتوح ف قعدت نبربش ف الڤايبر لين درت ايميل 😂 وقاعدة نتعلم بشوية بشوية ف الفيس !
فرح / لولولولولولوي واخييييراً فتحتي نت وبدينا نلقو فيك
انا / تي انتي مني ؟
فرح / فرح يا حمارة مش مسجلة رقمي
انا / اي اي اهو اسمك طلع
فرح / شن جوك شن ديري
انا / مكسدة ، ايوب راقد وانا مكسدة بروحي
فرح / تو تتزوجي ويتغير روتينك كله
انا / اياح متفكرينيش بالله عليك كبدي دارها منه
فرح / حرام عليك والله مهند كويس
انا / منعرفش كيف تشوفو فيه كويس وهو كتلة من البرادة يا ناس مستفز بارد بارد
فرح / إنتِ من عاجبك بالله عليك ؟
انا / وسيم 😞💔
فرح / تعرفي اضمي فمك خير ما نجي نريشك توا ! إنت متزوووجة متزوووجة تحشمي شويا
انا / تزوجت بإرادتي ؟ مش بإرادتي ، هما زوجوني غصباً عني وانا منبيشي وانا وهما وهو عارفين الشي هدا كويس ، وبعدين وسيم يبيني
فرح / شن جو المسلسلات والدراما اللي ديري فيه ؟ قصدي جوري هني روحك ، وسيم كان بجديات حاطك ف راسه ، راهو خطبك من الاول ومستناش لين انقرت فاتحتك علي مهند ، وبعدين هو كان عنده علم بمهند من الاول معناها لو يبيك را خطبك
انا / لكن يا فرح هو قالي بنخطبك !
فرح / لكن مخطبكش !
انا / ماهو هيا الحكاية مش طول هكي
فرح / في حاجة اسمها نصيبات ! لو تؤمني بيها وتفهمي شن معنى هالكلمة را مش هدا حالك
انا / الله غالب ، اسمعي وسيم متصل نكلمه ؟
فرح / خرفي يا خرافة ، اسمعي فوتيني انا ، الكلام معاك عقيم ، لكن حطي ف بالك حاجة وحدة ، انك لو كلمتيه ح يهزا
عليك وح يقول مش دايرة حساب ولا قيمة لراجلها وشكلها مش تمام ووو..
انا / زعمااااا ؟؟ لالا مستحييييل يقول هكي وسيم
فرحو/ اسمعيني انا ، الولد مهما حبك لكن لما تتزوجي خلاص را ، ح تتغيري ف نظره مهما كانت درجة حبه ليك ، وبالاخص إنتِ وياه مكنتوش علي علاقة ومكانش في رابط يربطكم ولا دكريات تجمعكم ف ريحي روحك خير ..
أنت تقرأ
🌸حين أنوي🌸 "مكتملة"
Fiksi Umumروايه باللهجه الليبيه ومنقووووله للكاتبه بلقيس مكتملة "قراءة ممتعة "
