🌸 " حِينَ انوِي " 🌸
🍃 الحلقة الـ39 🍃
وف يوم كنت راقدة المغرب شرين تليفوني شفته وكبدي لعبت و مخاطريش ف لمكالمة بكل رديت وكانت فريدة وهالمكالمة هادي قلبتلي حياتي رأساً على عقب 💔 متوقعتش يصير هكي 😳 يعني نتوقع كل شي الا ان..
انا / الو ؟
فريدة / ايوا ؟
انا / اهلين عمتي
فريدة / اهلين عمتي ؟؟ وين يا للة 4 شهور مسيبة راجلك وقريب تسكري ع ال5 شهور شن مزال ؟
انا / عمتي مريضة والله مريضة نتوحم وحموضة وطول الوقت دايخة منقدرش نقعد ف الحوش
فريدة / شن الجو الزايد اللي درتوه حملنا زمان مش زي حمل توا ولا كيف ؟؟ عمرنا لا توحمنا ولا قلنا حاجة 😡 ، اسمعي هنا ولدي تسيبيه هال5 شهور هادية كلها لا تكلميه لا تسالي عليه ؟ وهو حاله مبهدل ونفسيته دمرتيهاله ، حتى عمك مقهور منك لين خلاص ، فاضت بينا عااد ، انا بنجوزه ولدي وبإذن الله الفاتحة الاسبوع الجاي ، اختي فكت رباطها وبناخدله رنودة ، ع الاقل توَنس خالتها و راجلها ، مش زي اللي مسيباته 5 شهووور بحالها ، " وسكرت ف وجهي وانا مصدومة ف كلامها "
انا / تي شن تخررررط الشاااارفة اهيااا ؟ واتصلت بمهند لكن لا حياةَ لمن تنادي ، كالعادة طول ال4 شهور ميردش عليا بيرد عليا اليوم 💔
انا طلعت لفرح / فررح فرررح ؟؟
فرح طلعتلي / نعم شن في 😳
انا / تليفونك تليفونك بالله عليك
فرح جاباته وجت / علاش شن في خيرك 😳
انا خديته منه / مهند بنكلم مهند ، وطلعت للجنان واتصلت بيه ، مردش المرة الاولة لكن المكالمة التانية رد
مهند / ايوا !
انا / مهند ؟
مهند / بنسكر فوتيني
انا نبكي / بالله عليييك متسكر بالله عليك
مهنك سكت / .... شن تبي توا ؟
انا / حقا بتتزوج ؟
مهند استغرب / شني ؟
انا صوتي يرعش وخاية / امك توا كلمتني قتلي ولدي بناخدله رندة وفاتحته
الاسبوع الجاي 😢 مهند بالله عليك لا مديرهاش ، متقهرنيش يا مهند
مهند / تي غير شن تخرطي انتي من قاللكم بناخد رندة انا ،سكري توا غر سكري
انا / مهند بالله عليك متحرقنيش
مهند / سكري قتلك ، وسكر عليا
انا قعمزت ف الجنان ونبكي 😭
فرح جتني / شن جاها فريدة بنعرف انا ؟
انا / انا مشكلتي مش مع فريدة 😢 مهند بعيده عليه ليا 5 شهور يعني اكيد عنده عادي يتزوج 😢
أنت تقرأ
🌸حين أنوي🌸 "مكتملة"
Ficción Generalروايه باللهجه الليبيه ومنقووووله للكاتبه بلقيس مكتملة "قراءة ممتعة "
