🌸 " حِينَ انوِي " 🌸
🍃 الحلقة الـ29 🍃
انا / مهند خيرك ؟؟
مهند / اه ، لا شي خيرني ؟
انا / جوك مش حلو اليوم شن فيك ؟
مهند / لالا مفيش شي عادي غر تعبان من السفر والدوران ومنرقد بس
انا / اه باهي ، نوض نطفي الضي
مهند / ياريت والله ، لان عيوني خلاص ، ورقد وعطاني بضهره ، غدوة نوضيني مع ال10 ،
انا / باه
انا نضت طفيت الضي ورجعت لمكاني / مهند ؟
مهند بصوت نعسان / امم!
انا / عادي نولع الوناسة !
مهند لف وجبدني ليه ولف يديه عليا ويحكي وصوته تعباان / مش داعي ليها اعتقد
انا تنهدت / به..
مهند قعد يلعبلي بشعري لين معش حسيت ب شي لتاني يوم ، نضت ولقيت روحي نفس الرقدة تلفتت لمهند ونزلت عليه جبدت تليفونه لقيته جنب المخدة ،فتحته وشفته لقيتها ال11:30 وفي مكالمات من ارقام غريبة ، اكيدة ربيع ، لقيت رسالة من الڤايبر وكانت من " Randa " جاني فضول نشوفها شن تبي ، فتحتها ولقيتها
رندة / حبيبي ؟ ، صدمة 😳💔 هكي كانت الرسالة ، مكانش فيه اي رسالة غيرها ،زعما تكون المحادثة ممسوحة ؟ ، علاش به ، طفيت التليفون ورديته لمكانه ونضت طلعت خشيت الحمام توضيت وطلعت صليت و قعمزت ف الصالة ، وقعدت نقلب ف تليفوني كان فيه نت ، بس نتهم معرفتش نشغله ، مقعمزة وحايرة ونفكر شن حبيبي هادي ؟ ، زعما يكونش حاق مهند حبيبها ؟ اصلاً تصرفاتها وكلامها هكي يدلو ، ان مهند حبيبها وهي تبيه ، باهي لاش خداني كانا يبيها ؟؟ تي هدا .. وقطع تفكيري صوته
مهند / خيرك منوضتينيش يا جوري ؟
انا / منيش منوضاتك !
مهند انصدم / نعم ؟
انا خفت لكن منبيش نتنازل / زي ما سمعت ، وتخطيته وخشيت للدار
مهند مسح وجهه بإيده وتنهد / صبح ، لا حول ولا قوة الا بالله ، خش للحمام توضا وصلى وجاني
مهند / بدلي منمشو الشقة
انا نضت بدون ما نرد عليه .. وتيت روحي ولبست جبتي ووشاحي وكل شي كان ف مكانه ومفتحناشي ، نزلت قبله وخليته يبدل وقعمزت ف نفس مكان امس وشوية وجي
مهند شدني من مرفقي / شن منزلك إنتِ بروحك 😡
انا / حول ايدك من عليا بلا وقاحة 😡
مهند يدف فيا بقوة / ااخر مرة اه
انا / تي حول مكسورتك كسرة 😡
ربيع ومرته جو / خيركم شن في 😳 ؟
انا عيوني حمر قعدت لاهية بتليفوني /
أنت تقرأ
🌸حين أنوي🌸 "مكتملة"
General Fictionروايه باللهجه الليبيه ومنقووووله للكاتبه بلقيس مكتملة "قراءة ممتعة "
