🌸 " حِينَ انوِي " 🌸
🍃 الحلقة الـ30 🍃
د / ام المريضة قالت انك خطيبها صح ؟
ايوب / اي..
د / يؤسفني الكلام اللي بنقوله وياريت تتستر ع المريضة ولكنها متعرضة لـ حالة اغتصاب 😔
ايوب وقف من الصدمة يشوف للدكتور وف نفس الوقت ميشوفش ، الكلام اللي قاله الدكتور مش ساهل الكلام اللي قاله الدكتور ممكن ينهي حياة فرح 💔 كيف صار هكي ؟ وعلاش صار هكي ؟ 😳 لحظة لحظة ✋
ايوب / د دكتور ا إن نت متأكد ؟؟ ا الي كنت تقول فيه مش ساهل ، مش ساهل بكل
د / متأكد يا ولدي ، جسمها مزالو عليه الاثار ولما كشفت عليها دكتورة النساء هكي تبين معاها للاسف 💔
ايوب يدور ف مكان وشاد راسه ويبكي / د دكتور ، دكتور بالله عليك راهي هادي اختي قبل ما تكون مرتي 😢 بالله عليكم زيدو تأكدو ؟ وحيدة امها هادي ، تي ، تي لو يعرف بوها ح يقتلها
د / وانا هدا علاش مناديك ، نبيك توقف معاها بما انك خطيبها ، اسمعني يا ولدي ، انا صح منعرفكش كويس ، لكن الباين انك ولد حلال ومش ح تخليها بروحها ، تبي تساعدها ولا متبيش
ايوب بلهفة / اكيد نساعدها يا دكتور اكيد
د / يبقى قعمز توا وخلينا نتفاهمو ، وقعمز ايوب
د / اول شي الموضوع هدا خليه بيني وبينك وبينها ، منبوش طرف رابع نهائي ، اماليها منبوهمش يعرفو ابدا ً ، شفت حالة امها وبوها ، حنى ف لمجتمع الليبي لو البنت تعرضت لزي هالحالة خوتها طووول يقتلوها ، وبما ان هيا معندهاش خوت زي ما قلت حضرتك ف معناها ح يوقفو فيها ولاد عمامها وح يقتلوها وح.. " ايوب وقف "
ايوب / ولد عمها 😳 ! ، وطلع يجري
د / لا حول ولا قوة الا بالله !
.
.
مهند جاني / جوجوو ؟ ؟ جووري
انا / ...
مهند / جووري " وجبدني من رجلي "
انا نضت مخلوعة / ها 😱 .. 😡😡 يااا بااارد يا بااارد خير بلاك هكككي " وضربته بالمخده خلعتني خلعتني خييرك هكي مهند
مهند / مخيرنيش " وجبدني قعمزني علي رجله " إنتِ ناسية حاجة را !
انا شفتله باستغراب / شنو ؟؟
مهند / ان حني عرسان 😉
انا نضت / تي حول بلا برادة 😪
مهند جبدني تاني / ف احلامك يا مدامتي....
.
.
بالنسبة لجيهة تانية ، ف بلاد تانية ، ف ساعة تانية ، وف عالم تاني مغاير لعالمي ، ناس عايشة علي وهم ، الوهم هدا هما معتبرينه نقطة امل ليهم ، بس نعاود ونكرر انه الوهم بذاته ..
أنت تقرأ
🌸حين أنوي🌸 "مكتملة"
Ficção Geralروايه باللهجه الليبيه ومنقووووله للكاتبه بلقيس مكتملة "قراءة ممتعة "
