🌸حين أنوي🌸 "مكتملة"

الحلقة 35

🌸 " حِينَ انوِي " 🌸

🍃 الحلقة الـ35 🍃

فرح خشتلي / جوري ، مهند لوطة وقالب الدنيا يعيط يبي يشوفك ، متعارك هو ومحمود خليته ، قبل بيركبلك محمود مخلاشي

انا جيت واقفة / 😳 شنوو ، حي عليا حيي كان يتعاركووو ، ونزلت نجري وقابلني يعارك وهو ف الدروج ولما شافني نازلة نجري

مهند عيط / جووري متجريش

انا وقفت وتحشمت من خوتي /

مهند / انزلي بشوية

انا نزلت بسرعة / شن تبي ؟؟ شن جاااي ادير هنااا متفهمش انت ولا شنو قتلك معش نبيك ، طلقققني

مهند تنهد / خلينا نحكو بروحنا

محمود / فهمونااا شن في ؟؟

ايوب / تعالى يا محمود ، وجبده طلعه من الحوش

ايوب / خليهم بروحهم يا راجل راجلها شن بيخطفها يعني

.
.
مهند / شن الكلام اللي تقولي فيه ؟؟

انا قمت راسي وضحكت / كلام شنو ؟ تبلت عليا تاني امك ؟

مهند / جوري صكري فمك ، شن تبي تطلقي ما تطلقي الموضوع مش مستاهل يوصل للطلاق ، ارجعي وبلا هبال

انا نعيط / لا الموضووع مستاهل يا مهند ، ومستاااهل جداً ، لما تمد عليا ايدك المرة الاولة قلت معليشي إنتِ غالطة ، لكن تمد عليا ايدك لمرة التاااانية هادي لاااا منستكتش عليها ، المشكلة اني مظلومة وامك متبلية عليا تبلي علي موضوع اتفه منه مفيش ، ايه وبنقولك ، وانا طالعة يومها رندة قالتلي .... وهما سبب الفتنة كلها

مهند / رندة يا ررررندة 😡 ، وبدا يحكي بهدوء ، باهي حبيبي خلاص اكسري الشر وروحي معاي الحوش مش حلو من غيرك

انا / اسفة مهند معش نقدر نكمل معاك

مهند / بيناااتنا عيل يا جوووري حرااام عليك اللي ديري فيه كبري عقلك وبلا تصكييير راااس عاد

انا / نرجع معاك لكن بشرط لو منفدتهوليش انساني

مهند قرب مني وحط ايده علي خدي / اللي تبيه انا فيه غير روحي معاي بس

انا ابتسمت ابتسامة شر / بما انك مقتدر ، تاخدلي حوش
بروحي ، وبعيد علي حوشكم ، ومنبيش خلطة اقارب امك نهائياً ، طالما عيلة يحبو الفتنة ، رندة ، تقطع علاقتك بيها نهائي حتى خير ربي لا

مهند تغيرو ملامح وجهه ووخر / ش شن تقولي إنتِ جوري ؟ شن حوش بروحك ، كيف تبيني نسيب امي

انا / مقتلكش سيب امك انا ، امك امشيلها كل يوم ، لكن اني مش نرجع لهداكا الحوش ف منقدرش للاسف

مهند / جوري علاش اديري معاي هكي فهميني حرام عليك ،اتقي الله فيا

انا / انا خلاص ، قررت " ونويت " ، معش نرجعله الحوش هداكا ، بتاخدلي حوش بروحي وبإسمي اللهم بارك متبيش ، كل حد يمشي ف حاله