🌸حين أنوي🌸 "مكتملة"

الحلقة 33

🌸 " حِينَ انوِي " 🌸

🍃 الحلقة الـ33 🍃

ﺗﺎﻧﻲ ﻳﻮﻡ ﻧﻀﺖ ﻋﻠﻲ ﺻﻮﺕ مسج ﺍﻟﺸﻲ ﺍﻟﻠﻲ ﺧﻼﻧﻲ نبتسم لا إرادياً ، لاني عرفته منه هو ، وفتحته

مهند / " حبيبي صباح الورد ، شن جوك اليوم لو نايضة كلميني "

انا / هههههه ميبيش يزعجني ، واتصلت بيه

مهند / نايضة بكري شن بيصير ف الدنيا

انا / هههههه نوضني المسج متاعك

مهند / يا سبحان الله تو صوت المسج نوضك

انا / ايييي والله

مهند / عارفة ، مستااااحشك موت ، امس والله ما جاني نوم ،نزلت رقدت لوطة

انا تفكرت رندة / نزلت رقدت لوطة 😱 ، علاش يا مهند خيره حوشنا 😣

مهند / فاضي من غيرك مش حلو ، متحلميش تباتي مرا تانية

انا / غير حلم ، اسمع تعالى تغدا هنا

مهند / اي اصلاً بنجوكم ع الغدا كلنا ، ومتخافيش بنحطو رندة ف حوشهم 😂

انا / ومحلاكم جايبينها تبو ترقولي الضغط حتى ف حوش اماليا نهاري 😒

مهند / ههههههه باهي هي بري وتي لغدي امشي

انا / باه من عيوني ، باي

مهند / ف امان الله ، وسكر

انا ابتسمت ونضت خشيت للحمام وطلعت لقيت جوجو تبدل لبناتها /

انا / انا بنبدا ف الغدا حوش عمي جاييني بيتغدو هنا

جليلة / باهي وانا نبدللهم ونبدا ف الحوش

انا / نوضي ايوب

جليلة / نايض من بكري ، وقبل منوضك مخلانيش قالي خليها ترتاح

انا / ❤❤❤ ، وخشيت ودرت كسكسي بالبصلة ، وقعدت نوتي ونقرض ف السلايط لين خشو حوش عمي ، لبست وشاحي خاطر منصف بس طلع مش معاهم حولته ، وقعمزت جنب مهند

جليلة / انستونا

فريدة / الله يأنسك

انا / عمي باش تقعد تتغدا بعدين اه

خالد / اي ان شاء الله تو نجو بعد الجمعة

انا تلفتت لمهند وبصوت واطي / حتى إنت اه ، انا مطيبة را

مهند بصوت واطي / نحبك

انا وجهي احمر وخفت يسمعونا / مهند اسكت خيرك 😳

مهند / نحبك شن ندير به ، نوضي روحي معاي

انا /

وين انوض نهاري ريحلي روحك

مهند / متعبيش روحك اه ديري بالك علي روحك

انا / بعدك امس خديت خبطة مليحة 😣