🌸 " حِينَ انوِي " 🌸
🍃 الحلقة الثالثة 🍃
ايوب خش لكوجينة وقعد يعبي ف امية ويشرب //
فرح // بندير سفرة تجي تهدرز معانا
ايوب من غير ما يشوفلها // والله تعبان ونبي نرقد
فرح // 😔💔 به براحتك . وخدت السفرة وجتنا .
وايوب خش لداره ورقد
فرح // تو وقته وليييد
انا // حااالة ماهوو معاك ف الحوش 24 سااعة
جليلة // اوك حبيبي حتى انا . ماشي سلام . وشافتلنا . والله ما تتحشمو وحدة تكلم ف راجلها خلوها علي راحتها
فرح // اياح . تعالي قعمزي نهدرزو
جليلة // شن رايكم نفرشو فراشاتنا ونقعمزو نهدرزو فيهم ؟
فرح // اي هيا . وحطت السفرة ع الطاولة ونضنا فرشنا فراشات وجبنا بطانيات ومخدات وشدت كل وحدة فراشها وكانت فرح ف التركينة وانا ف الوسط 😍❤ وجنبي أرام وبعدين جليلة وبعدها أرين ❤
قعدنا نهدرزو وناكلوف تشيبس وشكلاطات وسمينسة لين خداني النوم ومعش نندري علي شي !
فرح // بناات ؟ بنااات !! رقدتو ! . وناضت خشت للحمام " حشاكم " وهيا مولية خطمت علي دار ايوب ولقتها مردودة وخشت
ايوب كان لما يرقد يحول ف تيشيرته وراقد علي بطنه
فرح تمشي علي روس صوابعها قعمزت جنبه وقعدت تقرب منه وتشوفله وتبعد تقرب وتبعد ❤
فرح تنهدت // ااه ❤ وحطت ايدها علي شعره وقعدت تمشي فيها
ايوب شدها وباسها // 😍❤
فرح انصدمت وجبدت يدها ووخرت // ..
ايوب مد يده وولع الوناسة وضحكلها // اعترفي خيرك ؟
فرح طلعت تجري وشدت تركينتها وايدها علي قلبها وع الاغلب ما جاهاش نوم ❤
ثاني يوم
انا نايضة من 8
انا // هياااا هيااااا نوضي انتي وياااها نوووضي
جليلة // ووه يا جوري فوتيني انا مش متعودة علي هكي را
انا // نوووضو هيااا .. اريييين اراااام هيااااا
فرح لا حياة لمن تنادي //..
انا // شكلها ساااهرة الاخت .هيااااا فرح نووووضي
فرح ناضت // ووووه ووه نضت . وناضت للحمام
فرح // اووف من فييه هدااا .. واتكت عليه بضهرها وبدت ادربك .
فجـأة
انفتح باب الحمام وطاحت
فرح / اااه 😓
ايوب متعفلق دفها برجله وطلع / ..
فرح / خيره هدا 😒 . وخشت الحمام ولما طلعت .
فرح طلعت للجنان / ايوووب ايووب ؟
أنت تقرأ
🌸حين أنوي🌸 "مكتملة"
General Fictionروايه باللهجه الليبيه ومنقووووله للكاتبه بلقيس مكتملة "قراءة ممتعة "
