''အလိမ္မာရင်မှာရှိ''

အပိုင်း(၆)

စာရင်းကိုင်အလုပ်က အချိန်အများကြီးပေစရာမလို။မနက်ပိုင်းအလုပ်လာသူစာရင်းကောက်ပြီးတာနဲ့နေ့လယ် နှစ်နာရီမရောက်မချင်း အနားရသည်။

ဒီနေ့လည်း မနက်ပိုင်းအလုပ်ပြီးပြီးချင်း အိမ်မှာ ထင်းခွဲနေလိုက်သည်။အရင်နေ့ကတည်းက အမေကြီးက မီးဖိုချောင်ထဲထင်းမရှိလို့ ညည်းနေလေပြီ။ဒီနေ့မှ ထင်းခွဲမပေးရင် ဒံအိုးဖုံးသံ'တဂွမ်ဂွမ်'ကိုကြာရတော့မည်။

ပုဆိုးကို ဒူးနားထိ တိုတိုပြင်ဝတ်ကာ ထင်းခွဲခြင်းအမှုစတင်လိုက်သည်။ပုဆိန်ကိုမြှောက်လိုက်တိုင်း လက်မောင်းကြွက်သားများက ထင်းထွက်လာသည်။အရိုးအဆစ်ကျနသော လက်ဖျံကြောများက ကျန်းမာသန်စွမ်းကြောင်းပြသနေသည်။

''🎶🎶🎶မူရာလေးမော့မော့ ဆံနွယ်ကြော့ကြော့မှာ...

မင်းပန်ဖို့ရည်စူး ပန်းခူးခဲ့ပြီ...

လှပါတယ်မေရယ် ပန်းလေးတစ်ပွင့်လို...

ပန်းပန်သူမူရာသွေး အေးမြလှတယ်....

ကဗျာဖွဲ့ဖွဲ့ စာနွဲ့နွဲ့....

ကဗျာရေးရေး စာရေးရေး....

လှလှပပချစ်သူ့မျက်နှာ စာတွေကဗျာတွေ သီဖွဲ့လို့မမှီ....🎶🎶🎶''

သူကပဲ သီချင်းထဲစျာန်ဝင်နေလို့လားမသိ နှာခေါင်းထဲ စံပယ်ပန်းအနံ့တောင် ရနေသလိုပဲ။

နဖူးထက်မှချွေးသီးများကို အင်္ကျီလှန်ကာသုတ်လိုက်တော့ အမြောင်းလိုက်ဖြစ်တည်နေသောဝမ်းဗိုက်ကြွက်သားများက တစွန်းတစထွက်ပေါ်လာသည်။

ခြေသံကြားလို့လှည့်ကြည့်လိုက်တော့ အလိမ္မာသွေးရှင်က စံပယ်ပန်းကုံးကို ကိုင်ထားသည်။

''ဘာလာလုပ်တာလဲ?''

တစ်သက်နဲ့တစ်ကိုယ် ခြေမချဖူးတဲ့ သူတို့အိမ်ကို ရောက်လာတော့ အထူးအဆန်း။

''ပန်းလာပေးတာ..''

''ဟာ....ငါက မိန်းကလေးမှမဟုတ်တာ ဘယ်လိုပန်ရမှာလဲ?....တစ်ပြားလျော့နေတာလား?''

''ကျစ်...နွေရင်ခတ် စကားကိုဆုံးအောင်နားထောင်စမ်းပါ...ဘယ်သူကရော ယောကျာ်းလေးတစ်ယောက်ကိုပန်းပေးမှာလဲ?...ဒါက ရွှန်းဝေ အတွက်''