ကြယ်တစ်စင်းရဲ့ လရောင်အိပ်မက် (Completed)

အပိုင်း(၃၆)

ပြစရာလေး တစ်ခုရှိတယ်😁

မောင့်ရဲ့အန်ကယ့်ပုံလေးပါရှင့် personal use လေးမို့ ယူမသုံးကြဖို့တော့ မေတ္တာရပ်ခံပါတယ်ရှင့်🙏

ဒီအခန်းလေးလည်း မှတ်မိကြဦးမယ်လို့ ထင်ပါတယ်ရှင့်😁❤️ကဲ အဲ့တာဆို အပိုင်းသစ်လေး ဖတ်ကြရအောင်><

Unicode

ယခင်က လဖ္ဘရည်တစ်ခွက်သည် ကျွန်တော့်အဖို့ အပျင်းပြေသောက်စရာ၊ဒါမှမဟုတ်၊ပါးစပ်အာသာဖြေသောက်စရာသာ ဖြစ်ခဲ့သည်။ယခုမူ လဖ္ဘရည်တစ်ခွကသည် ကျွန်တော့်၏ ပင်ပန်းနွမ်းနှယ်မှုများ ဖြေဖျောက်စရာဖြစ်လာခဲ့ပြီ။ကျောင်းသားဘဝက
နေ့ချင်းညချင်းရပ်တန့်သွားတော့ ကျောင်းသားတစ်ယောက်၏ အနှစ်သာရသည် အလုပ်ခွင်ကြားက ကျွန်တော့်အတွက် ပျောက်ကွယ်လုနီးပါးဖြစ်လို့နေပြီ။

တစ်နယ်စီတစ်နယ်ခြားက ခင်မင်ဖူးခဲ့သော သူငယ်ချင်းများကလည်း နေရပ်သို့ ပြန်သွားကြပြီဖြစ်သည်။နေ့စဥ်ရက်ဆက် ပြလိုက်ကြသည့် ဆန္ဒပွဲများကလည်း လက်ချိုးရည်၍ မရနိုင်၊ပေါ်တင်သော်လည်းကောင်း၊ပုန်းလျှိုးကွက်လျှိုးသော်လည်းကောင်း၊တရားဟောခြင်းများက ပြုလုပ်ကြသေးသည်။

ထိုကြားထဲ၌ ဖမ်းဆီးခံလိုက်ရသူများကလည်း အနည်းငယ် များပြားလာခဲ့သည်။ဖြစ်ပျက်သွားသည့် ရက်ပိုင်းအတွင်း အဖေ့၏ အလုပ်ရှင်အကူအညီဖြင့် ကျွန်တော်သည် စာတိုက်တစ်ခုတွင် အလုပ်လုပ်နေရပြီဖြစ်သည်။ယခင်က သွားချင်တိုင်းသွား၊လာချင်တိုင်းလာ လုပ်ခဲ့သည့် ကျွန်တော့်အဖို့ ယခုတွင် ပိတ်ရက်လေးသာ အားလပ်ရက်ရှိတော့သည့်အတွက် ဘယ်ကိုမှခြေမများနိုင်တော့ဘဲ လဖ္ဘရည်ဆိုင် ဒါမှမဟုတ် အိမ်တွင်သာ အနေများတော့သည်။တစ်ခါတစ်ရံတော့ အန်ကယ်တို့ဆီ ရောက်ဖြစ်သေးသည်။