💕 နတ်စည်းစိမ်နှင့်မလဲပါ 💕
====================
Part-9
=====
စေနဲ့ဘုံ ညစာစားပြီး..ကားဆီကို..လျှောက်လာခဲ့ကြသည်။သို့သော်...ဘုံက ခြေစုံရပ်လိုက်ပြီး..ကောင်းကင်ကြီးကို မော့ကြည့်လိုက်သည်။
ဒီနေ့က..လပြည့်ညမို့ထင်၊လမင်းကြီးက ထိန်ထိန်သာနေသည်။
စေက ဘုံရပ်နေတာကို လှည့်ကြည့်ပြီး...
"လမ်းလျောက်ကြမလား..."
"ကားကရော.."
"နောက်မှ လာယူခိုင်းလို့ရတာပဲ..."
"အင်း.."
ဘုံ ခေါင်းညိတ်ပြီး စေရှေ့ကနေ ဖြတ်လျောက်လာခဲ့သည်။
ညရဲ့အလှ အလင်းရောင်နဲ့လက်ဆက်တဲ့လေကို တဝကြီးရှူသွင်းပြီး ဘုံ ကျေနပ်နေသည်။
စေကတော့ ဘုံနောက်ကနေ သူ့စတိုင်အတိုင်း ဘောင်းဘီအိတ်ထဲ..လက်နှစ်ဖက်စလုံးထည့်သွင်းပြီးလျောက်လာခဲ့သည်။
စေဆံပင်က ရှည်သည်မမည်ပေမယ့်ဂုတ်ကိုထောက်နေပြီဖြစ်သည်။အတွင်းအင်္ကျီတွေသာအရောင်စုံဝတ်ပေမယ့်..စေကကုတ်အင်္ကျီကိုတော့ အနက်နဲ့အရောင်မှိုန်တာလေးတွေဝတ်တတ်သည်။
မြင့်မားသောအရပ်နဲ့ ဘော်ဒီမိုက်လွန်းသဖြင့်..ဘယ်စတိုင်ဝတ်ဝတ်..စေကကြည့်ကောင်းသည်။
"ဦးစေ မြန်မြန်လာလေ..."
ဘုံက ပြောပြီး..နောက်ပြန်လှည့်လျှောက်၏။မျက်နှာသွယ်သွယ်လေးနဲ့ရွှေဝါရောင်ဆံပင်နဲ့ ဘုံက နုသစ်စွာချစ်ဖို့ကောင်းနေသည်။
"အားးး..."
ဘုံ နာကျင်စွာ..အော်ပြီး..ထိုင်ချလိုက်သည်။
"ဘုံ ဘာဖြစ်တာလဲ..."
စေ အပြေးအလွှား..ရောက်လာတော့..ဘုံက စေလက်ကို ပုတ်ချ၏။
"မကိုင်နဲ့..ရှင့်ကြောင့်..."
"ဟမ်..ဘယ်လိုဖြစ်လို့..ကိုယ်ကြောင့်ဖြစ်သွားရတာလဲ..."
"ဦးစေ ပဲတစ်ခွဲသားနဲ့နောက်ကနေ လိုက်နေတာလေ ဘုံက လှမ်းခေါ်လို့ ခြေခေါက်သွားတာ.."
"အဲတော့..."
"ဦးစေကြောင့်ပေါ့..."
"ကဲပါ..ဆေးခန်းသွားရအောင်..."
