💕 နတ်စည်းစိမ်နှင့်မလဲပါ 💕
====================
Part-20
======
လွန်ခဲ့သော..၆လခန့်က....
"ဒေါက်...ဒေါက်..."
တံခါးခေါက်သံကြောင့်..စေ ခေါင်းမော့ကြည့်လိုက်သည်။ဟန်လင်းက..ကိုယ်တစ်ပိုင်းဝင်လာပြီး...
"ဆရာ..ဆရာ့အစ်ကို စေညွှန်ရာ...ရောက်နေတယ်..."
"အထဲ ဝင်လာခိုင်းလိုက်"
စေ မျက်ခုံးလေးကုတ်သွားသည်။စေက နတ်စည်းစိမ်ရဲ့သားသုံးယောက် အနက်...အငယ်ဆုံးဖြစ်သော်လည်း အထူးချွန်ဆုံးဖြစ်ကာ..ကိုယ်ပိုင်လုပ်ငန်းကို တစ်သီးတစ်သန့်ခွဲထုတ်သွားနိုင်သည်။
"စေ"
စေညွှန်ရာက..စေရုံးခန်းထဲဝင်လာခဲ့ပြီး..ဆိုဖာပေါ်တွင် ခေါင်းငိုတ်စိုက်နဲ့ဝင်ထိုင်လိုက်သည်။
"အစ်ကို..ကိစ္စအထွေအထူးရှိလို့လား.."
ညွန်...မျက်နှာကိုတစ်ချက်ပွတ်လိုက်ပြီး...
"ငါ ညက အမှားတစ်ခုကျူးလွန်လိုက်တယ် ထင်တယ်.."
"ဘာအမှားလဲ"
"ငါ..ကောင်မလေးတစ်ယောက်နဲ့အိပ်မိသွားတယ်..သူအခန်းထဲကို..ဝင်လာတာကွ ငါလဲ..မူးနေတော့..."
"မလတ်မရှိဘူးလား.."
"မရှိဘူး မနေ့က ငါ မင်းပိုင်တဲ့ ရိုလာဟိုတယ်မှာ အိပ်တယ်..မန်နေဂျာကလဲ ငါ့ကိုသိနေတော့ မင်းနေတဲ့အခန်းမှာပဲ...ပေးနေလိုက်တယ်..."
"အစ်ကို.ကျွန်တော့်ကို..လာပြောနေပုံထောက်ရင် အစ်ကို.နဲ့..မှားသွားတဲ့ကောင်မလေးက ကျွန်တော်နဲ့သိလား"
ညွန်..မျက်နှာမသာမယာနဲ့..ခေါင်းညိတ်သည်။
"ဘယ်သူလဲ..."
"မာယာ..."
"ဟာ..."
"ငါတောင်းပန်ပါတယ်..စေရာ မင်းသူငယ်ချင်းကို ငါအဲလို စိတ်မျိုးလဲမရှိပါဘူး...သူလဲမူးနေတယ်...ငါ့တို့မူးမူးနဲ့ မှားယွင်းကြတာ ခု သူမနိုးခင်ငါထလာခဲ့တာ...."
"ကျွတ်..မဟုတ်သေးပါဘူး..အစ်ကိုရာ"
"ငါ ဒီသတင်းသာပေါက်ကြားသွားရင် အရှက်ကွဲမှာကွ လတ်မှာလဲကိုယ်ဝန်နဲ့ဆိုတော့...သူအရမ်းစိတ်ထိခိုက်သွားနိုင်တယ်..မင်း ကူညီပါ..စေတောင်းဆိုပါတယ်..."
