He's Trouble [Taekook] ✔️

Chapter 6

ශූටින් පටන් අරන් සතියක් ගතවෙලා යද්දි ජන්ග්කුක් ඇත්තටම දක්ෂයි කියලා ටේහ්‍යොන්ග්ට වැටහුණා. ඒ වගේම ජන්ග්කුක් කියන්නෙ ඇත්තටම අහිංසක හදවතකට හිමිකම් කියන මෘදු, මොලොක් පිරිමි ළමයෙක් කියලත් ටේහ්‍යොන්ග් තේරුම් ගත්තා.

ඒත් මිනිස්සුන්ව විශ්වාස කරන්න අකමැති උනු ටේහ්‍යොන්ග් කොයිම වෙලාවකවත් ජන්ග්කුක් ඉස්සරහා මෘදු උනේවත් ජන්ග්කුක් එක්ක මිත්‍රශීලී විදිහට හැසිරෙන්න ගියේවත් නැහැ. ටේහ්‍යොන්ග් බලන් හිටියෙ ඉක්මනට මේ සති දෙක ඉවරවෙලා ජන්ග්කුක්ගෙන් ඈත්වෙලා නිදහසේ තමන්ගෙ ගෙදර තමන්ගෙ ඇඳේ නිදාගන්න ලැබෙන දවස එනකම්. තමන්ව නොසන්සුන් කරන දිලිසෙන තරු ඇස් වලින් බේරෙන්න තියෙන හොඳම ක්‍රමේ ඒක කියලා ටේහ්‍යොන්ග් හිතුවා.

එදා දවසෙ රූගත කෙරුනෙ ප්‍රින්ස් ජුආන් ඇතුළු පිරිස ආරක්ෂක මින්ග්‍යුට පහර දීලා ප්‍රින්ස් ජේහාව පැහැරගන්න සිදුවීම. පැහැර ගැනීමෙන් අනතුරුව සිහි නැති කරවපු ප්‍රින්ස් ජේහා කළු අශ්වයෙක්ව පදවමින් සිටින ප්‍රින්ස් ජුආන්ගෙ අත් අතරෙ අයිස් කින්ඩම් එකට ගමන් කිරීමේ දර්ශන පෙළක් තමයි එදා දවසෙ රූගත කෙරුනෙ.

අශ්වයාගෙ පිටේ නගින වැඩේට ජන්ග්කුක් මුලින් ටිකක් විතර බය උනත් ටේහ්‍යොන්ග් හිටපු නිසා ජන්ග්කුක් ඒ බය නැති කරගත්තා. ටේහ්‍යොන්ග් අශ්වයො පදින වැඩේට ගොඩක් දක්ෂයි කියලත් ජන්ග්කුක් ඒ වෙලාවෙදි තමයි දැනගත්තෙ.

ඩිරෙක්ටර් මින් කියපු විදිහට ජන්ග්කුක්ට ඉන්න තිබුනෙ සිහිනැති කෙනෙක් වගේ ටේහ්‍යොන්ග්ගෙ අත් අතර එයාගෙ පපුවට හේත්තුවෙලා. තෝන් ලණුව අල්ලගෙන ඉන්න ටේහ්‍යොන්ග්ගෙ අත් ජන්ග්කුක්ගෙ ඉන දෙපැත්තෙන් තියෙද්දි ජන්ග්කුක්ගෙ පිට සම්පූර්ණයෙන්ම වගේ ටේහ්‍යොන්ග්ගෙ පපුවට තදවෙලා තිබුනා.