He is my man(Complete)

2

He is my man - 2

Diego ဆီကအဆက်အသွယ်မရသေးတာကြောင့် အုပ်စိုးဘာမှ လှုပ်ရှားဖို့အဆင်သင့်ဖြစ်မနေခဲ့ဘူး။ နည်းနည်းပါးပါးတော့ သတင်းတစ်ခုခုကိုအသည်းအသန်မျှော်လင်နေရတာပဲလေ။ တစ်လတောင် ပြည့်တော့မယ် တက္ကသိုလ်ကျောင်းသားလေးရဲ့ အိမ်မှာ ကပ်နေရတာက အုပ်စိုးအတွက် အတော်လေးကို အဆင်မပြေဖြစ်နေတာမလား...

"ကျစ်....!"

"ပြန်လာပါပြီ..."

အုပ်စိုး အိမ်ရှေ့အိမ်နောက် ခေါက်တုံ့ခေါက် ပြန်လျှောက်နေရင်း ဘုန်းရှိန်အိမ်ထဲသို့ဝင်လာ၏။လက်ထဲမှာလည်း ညစာအတွက်အပြင်စာများဝယ်လာသည်ကိုတွေ့လိုက်ရသည်။

"မင်းအဆင်ပြေရဲ့လား..."

"ဘယ်ဟာကိုမေးတာလဲမသိဘူး..."

"ကိုယ်ဒီမှာနေတာ တစ်လပြည့်တော့မယ်လေ အဲ့တာ ကိုယ့်စရိတ်အထိပါ မင်းအကုန်အကျခံနေရတော့..."

"ရပါတယ် အဲ့အတွက်စိတ်မပူပါနဲ့ ကျွန်တော်ကောင်းကောင်း အလုပ်လုပ်နိုင်ပါတယ်"

စားစရာတွေကို စားပွဲပေါ်တင်ရင်း ရေချိုးဖို့အတွက် ဝင်သွား၏။ အုပ်စိုးလည်းစားစရာတွေကိုထုတ်ပြီး ပန်းကန်ထဲပြင်ထည့်ပေးဖို့လုပ်ရင်း ဘီယာဘူးတွေပါလာတာကြောင့် ရေခဲသေတ္တာထဲသို့အလိုက်တသိထည့်လိုက်၏။

ကောင်လေးပြန်ထွက်လာတော့ သူတို့ညစာအတူစားနေရင်း အုပ်စိုးကစကားအစပျိုး၏။

"မင်း အသက်ရောပြည့်သေးရဲ့လား.... ဘီယာဗူးတွေအများကြီးဝယ်လာလိုမေးတာ.."

"သြော် အဲ့တာ Store ပိုင်ရှင်ကပေးလိုက်တာ နောက်ပြီး ကျွန်တော်က တက္ကသိုလ်နောက်ဆုံးနှစ်ကျောင်းသားပါ အသက် 22 ရှိနေပါပြီ..."

"သြော်.... အသက်ပြည့်ပေမဲ့လည်းတကယ်ငယ်တယ်ထင်ရလို့လေ...ဟား..,ဟား.."

အုပ်စိုးအနေနဲ့ ကောင်လေးနဲ့တကယ်ခင်မင်ချင်သည်။ကောင်လေးက သဘောကောင်းတဲ့သူဖြစ်နေပေမဲ့ စကားနည်းသည်။အုပ်စိုးကလည်း စကားမပြောတတ်တဲ့သူဆိုတော့ လမ်းမပေါက်ဘူးဖြစ်နေတာပင်။ ထို့ကြောင့် ရယ်မောရင်း ပြောလိုက်တော့ ကောင်လေးက အုပ်စိုးကို စိုက်ကြည့်လာပြန်သည်။ ပြုံးတာရယ်တာတွေကိုလေ့ကျင့်ထားပေမဲ့ သူ့မျက်နှာက ကြောက်ဖို့ကောင်းနေတာများလား.......