He is my man(Complete)

18

He is my man - 18

အုပ်စိုး ထိုင်နေရင်းပင်တောင့်တောင့်ကြီးဖြစ်နေသည်။ဘာကြောင့်လဲဆိုရင် အုပ်စိုးခါးကိုဖက်ထားပြီး ဆက်တိုက်ကြီး တရှုံ့ရှုံ့နဲ့ငိုနေသူကြောင့်ပေါ့။

"ခင်ဗျားလုပ်ကြံတဲ့ အထဲမှာကျွန်တော်မပါပါဘူး ကျွန်တော်သိလည်းမသိဘူး ဒါပေမဲ့ ခင်ဗျားကိုကာကွယ်ဖို့အတွက် ကျွန်တော် အတတ်နိုင်ဆုံးကြိုးစားခဲ့တာတော့အမှန်ပဲ... ခင်ဗျားက ဘာလို့မယုံရတာလဲ ကျွန်တော်က ခင်ဗျားကိုဘယ်လိုနာကျင်အောင်လုပ်ရက်မှာမလို့လည်း"

"ဘာတွေလာပြောနေတာလဲကွာ လွှတ်စမ်းပါဘုန်းရှိန်ရာ..."

"ယုံပေး ခင်ဗျားကိုနာကျင်အောင်လုပ်ဖို့ မတွေးဖူးတာမဟုတ်ပေမဲ့... မလုပ်ခဲ့တာတော့အမှန် "

"သိပြီ သိပြီ မလို့ဖယ်ပေးလို့ မင်းအခုဖိထားတာ ငါ့ဒဏ်ရာကို ထိနေပြီလို့"

အုပ်စိုးကိုဖက်ထားရာမှ ဖယ်ခွာပြီး တရှုံ့ရှုံ့လုပ်နေသည်ကိုတွေ့ရသည်။ နှုတ်ခမ်းကိုမဲ့ကျနေပြီး မျက်ရည်တွေကသီလို့ပင်။ထိုအခါ အုပ်စိုးရဲ့လက်တွေက အလိုအလျောက် ဘုန်းရှိန်မျက်ရည်တွေကိုသုတ်ပေးလိုက်သည်။ချင်ချင်းဆိုသလို ဘုန်းရှိန်က အုပ်စိုးရဲ့ ပုခုံးကိုဆွဲချပြီးစတင်နမ်းရှိုက်ပါတော့သည်။မြန်ဆန်လွန်းသာ့်အဖြစ်အပျက်ကြောင့် အုပ်စိုးတောင် အတော်လေးကြောင်တောင်တောင်နိုင်သွားရသည်။ ဘုန်းရှိန်ဟာ လွမ်းမောစွာနမ်းရှိုက်နေရင်း မျက်ရည်စီးကြောင်းကြောင့် အနမ်းတွေဟာ ငံကျိကျိပင်ဖြစ်လို့လာ၏။

"ပြွတ် အွင်း..."

ဘုန်းရှိန်ရဲ့လက်ဖဝါး ခပ်ကြီးကြီးဟာ အုပ်စိုးရဲ့ ခန္ဓာကိုယ်တစ်ခုလုံးကို ပွတ်သပ်နေဆဲပင်။

"အွင်း....ဟင်း..."

နူးညံ့ညှင်သာသည့်အနမ်းတွေအောက် အုပ်စိုးကိုယ်တိုင်လည်းနစ်ဝင်လျက်ရှိသည်။ ချစ်ခြင်း မုန်းခြင်းဆိုတဲ့ ပါးလွှာတဲ့နံရံလေးဟာပျောက်ဆုံးပြီး မုန်းခြင်းဆိုတဲ့ တရားကို ချစ်ခြင်းတရားဟာအန်ိုင်ယူလိုက်သလိုမျိုး၊ သူတို့ကြားက မုန်းတီးခြင်းဆိုတဲ့ အရာလေးဟာ သေးငယ်ပြီးကွယ်ပျောက်လို့ပင်။