"ဒီမှာ ခင်ဗျားနဲ့အပြတ်ဆွေးနွေးစရာရှိတယ်.. ဘုရားမှာစောင့်နေမယ် အခုချက်ချင်းလိုက်ခဲ့ "
သူ့ကိုပြောပြီး လက်ကနာရီကိုကြည့်လိုက်တော့ ညနေ၆နာရီထိုးနေပြီ။
အပြင်မှာလည်း မှောင်ရိပ်လေးက သန်းစပြုနေပြီ။Poအရှေ့ကနေ စက်ဘီးကလေးတွန်းပြီးသွားတော့ သူက အနောက်ကနေ အူလည်လည်မျက်နှာလေးနဲ့လိုက်လာသည်။ဝတ်ထားတာကလည်း အင်္ကျီအစုတ် ဘောင်းဘီအစုတ်နဲ့။
"Poရာ ချိန်းတွေ့မယ်ဆိုရင်လည်း စောစောစီးစီးကြိုပြောရောပေါ့.. ခုတော့ကိုယ့်မှာလိုက်သာလိုက်လာရတာ အင်္ကျီအစုတ် ဘောင်းဘီအစုတ်နဲ့.. မင်းလုပ်တာနဲ့ ကိုယ်ရင်တွေတောင်တုန်နေပြီ သိလား "
"ခင်ဗျား အပိုတွေပြောမနေနဲ့နော် "
Poဘုရားကိုရောက်တော့ သူ့ဘက်ကိုချာခနဲလှည့်ကြည့်လိုက်ပြီး
"ခင်ဗျားမှာ ဘာရည်ရွယ်ချက်တွေရှိနေလို့ Poကိုအမျိုးမျိုးအကွက်ဆင်ပြီး အပိုင်သိမ်းဖို့ကြိုးစားရတာလဲ.. ခင်ဗျားကြောင့် မာမားစိတ်တွေတစ်မျိုးပြောင်းပြီး ခင်ဗျားနဲ့ပေးစားဖို့သဘောတူလိုက်တာ.. Poမှာ ဘာအပြစ်ရှိလို့လဲ ဟမ် ခင်ဗျားပြောလေ "
Po ခါးခါးသီးသီးလေးပြောမိသည်။
ပတ်ဝန်းကျင်မှာ ကောလဟလတွေလျှောက်လွှင့်ပြီး မေးရင်လည်း ဟိုလိုလိုဒီလိုလို မပြတ်မသားတွေလုပ်။သူ အဲ့လိုတွေလျှောက်လုပ် လျှောက်ပြောတော့ ပတ်ဝန်းကျင်ကအထင်မလွဲပဲနေပါတော့မလား။Poပြောလိုက်တော့ သူ့မျက်နှာတစ်ချက်ပျက်သွားသလို Poနဲ့မလှမ်းမကမ်းနေရာလေးကနေ Poကိုကြည့်နေပြန်သည်။ပြီးမှ အနားကိုတစ်လှမ်းချင်းတိုးကပ်လာသည်။
"မင်းပြောချင်တာပြော Po.. ကိုယ်ကလည်း မင်းပြောသမျှခံဖို့ဆုံးဖြတ်ပြီးသား... အရေးကြီးတာက ကိုယ်မင်းကိုချစ်တယ်.. ချစ်တာမှ ထားစရာနေရာမရှိအောင်ကို တုန်နေအောင်ချစ်တာ "
"ရူးနေပြီပဲ ခင်ဗျား "
"ဟုတ်တယ် ကိုယ် မင်းကြောင့်ရူးနေပြီ.. အဲ့ဒါကြောင့် ကိုယ့်ကိုကြည့်ပြီးဟာသမလုပ်ပါနဲ့ Po "
YOU ARE READING
My mysterious neighbour
Romanceပေါ့ပေါ့ပါးပါးဇာတ်လမ်းလေးပါပဲ.... ဒီficထဲမှာတော့ အထိမခံစွာတေးလေးPoPoနဲ့စွာတေးလေးနဲ့အပြိုင်လိုက်စွာမယ့်Mileကို တွေ့ရမှာပါနော်😉 MileApo fanfic💚💛