Deja Vu_BL Non Fic_

‼️දහතුන්වන දිගහැරුම‼️

“මේකිගේ කටේ රැස් නම් බහින්නේ නෑ.ඉවරයක් කරලා දාපං.” ඇයව අල්ලාගෙන සිටි පුද්ගලයා පැවසුවා.

අනෙක් පුද්ගලයා පිහියක් අතැතිව ඈ වෙත පැමිණියා. ඔහු එකවරම ඇයගේ උදරයට පිහි පහරක් එල්ල කළා. ඇය වේදනාවෙන් කෑ ගැසුවා. ඔහු ඇගේ උදරයෙහි තිබූ පිහිය ඉවතට ඇඳ නැවත වරක් ඇයට පහර දුන්නා.

“අහ්හ්…..”

නමුත් එකවරම සිදු වූයේ නොසිතූ දෙයකි. ඝාතකයාගේ දෙවන පිහි පහරින් මදාරා ගැලවුණේ එකවරම පැමිණි තරමක් විශාල ලී කැබැල්ලක් ඝාතකයාගේ අතෙහි වූ පිහිය ඈතට විසි වූ නිසාවෙනි. ඝාතකයින්ගේ අවධාණය ඒ ලී කැබැල්ල පැමිණි දිශාවට යොමු වූවා. අන්ධකාරය නිසා ඔවුන්ට කිසිවක් පැහැදිලිව නොපෙනුණි. කළු පැහැති ඇඳුමකින් සැරසුණු පුද්ගලයෙක් අන්ධකාරය තුළින් පැමිණියා. ඔහුගේ මුහුණ ආවරනය කර තිබූ අතර කළු පැහැතිම ජැකට්ටුවක් හැඳ සිටියා. 

“ඔය කෙල්ලව දැන්ම අතාරිනවා” 

ඒ කටහඬත් සමඟ මදාරාගේ නෙත් ද ඒ වෙත යොමු වුණා. ඇයට සියල්ල පෙනුනේ බොඳ වී ය. 

“අතෑරියේ නැත්නම් තමුසේ මොනවා කරන්නද?”

“හහ්….වැරදි ප්‍රශ්නයක්” 

“මූටත් කන්න ඕනේ වෙලා වගේ. ඌවත් මරලා දාපං.” එක් ඝාතකයෙක් පැවසුවා. 

එක් ඝාතකයෙකු බිම පතිත වූ පිහිය නැවත අතට ගෙන ආගන්තුක පුද්ගලයාට පහර දීමට පැමිණියා. විශාල වෙඩි හඬක් සමඟ ඝාතකයා බිම වැටුනා. ඝාතකයාගේ හිස් කබල පසාරු කරගෙන උණ්ඩයක් බැස තිබුණා. අනෙක් ඝාතකයින් දෙදෙනා බිය වී ඔහු දෙස බලා උන්නා. ආගන්තුක පුද්ගලයාගේ අතෙහි වූ පිස්තෝලයේ ඉලක්කය යොමු වූයේ මදාරාව අල්ලාගෙන සිටි පුද්ගලයා වෙතයි.