මම හිටියෙ කාමරේ අස්කරලා ඇඳේ වැතිරිලා කකුල් දෙක බිත්තිය දිගේ උඩට දාගෙන ඇඳ උඩ සීසීකඩ දාලා තියෙන පොඩි පගයො ඇන්ඳ චිත්‍ර වගයක් බලන ගමන්.. හෙට ක්ලාස් එකට කලින් ඔය ටික බලලා ඉවරයක් කරන්න එපැයි.. බලලා ලකුණු දාන්න ඕනි.. හිනාමූණු අඳින්න ඕනි.. තරු අලවන්නත් ඕනි.. ලේසි නෑ.. මං වැඩේ කරගෙන යනකොට පොඩි පගයත් කොහේහරි ඉඳන් දුවගෙන ඇවිල්ලා ඇඳට පැන්නා.. බලු තඩිච්චිත් දුවගෙන ඇවිල්ලා ඇඳට පනින්න ගිහින් මාව දැකලා ශේප් එකේ ඇඳ පාමුල බිම ලැගලා මං දිහා හොරෙන් බැලුවා.. මාමට දවස් දෙකක් බදුල්ලෙ මොබයිල් සර්විස් වැටිලා.. අද පුංචට ස්ටාෆ් මීටින් හින්දා එන්න පරක්කු වෙනවා.. ඒ හින්දා තමා බලු තඩිච්චි ගේ අස්සෙ ඉන්නෙ.. පුංචා එච්චර කැමති නෑ බව්වි ගේ අස්සෙ ඉන්නවට.. ඒත් පොඩි පගයගෙ තැනට සුදුසු විදිහට පාවිච්චි කරන අමුතු මූණට පිං සිද්ධවෙන්න අකමැත්ත කැමැත්ත වෙන්න යන්නෙ තත්පර අරික්කාලයි.. අත්දැකීමෙන් කියන්නෙ.. මං වගේ එල කොල්ලෙක් විතරයි ඕවට නොමග යන්නැත්තෙ.. මම චිත්‍රෙකට තරුවක් අලවනකොට පොඩි පගයා ඇඳ දිගේ බඩගාගෙන ඇවිල්ලා ඒ දිහා බලන් හිටියා.. මං වැඩේ කරලා ඉවර කෙරුවා විතරයි අශේන් අයියගෙන් කෝල් එකක් ආවා..
මං කොළ ටික ගානට එක මිටියකට හදලා එහාට ඇදිලා ඒ ටික මේසෙ උඩින් තියලා ෆෝන් එක කනේ ගහගත්තා..
" හෙලෝ මල්ලෙ.. ගෙදරද ඉන්නෙ.. "
" ඔව් අයියෙ.. "
" වැඩකද ඉන්නෙ.. (ඩෙකරේශන්ස්.. සංකෙට කිව්වා කියපන්) "
" නෑ අයියෙ.. මොකද්ද වෙන්න ඕනි.. "
" මල්ලි.. මේ.. මේ.. ඊගාව සිකුරාදා මීට් එකනෙ.. "
අශේන් අයියා කියන එක එච්චර ක්ලියර් නෑ.. මිනිස්සු කෑගහනවයි අමුතු ලට පට සද්ද වගේකුයි ගෑනියෙක්ගෙ සද්දෙකුත් ඇහුණා.. මුන් වැල් බලනවද දන්නෑ.. ඒ අස්සෙ ආත්ම අයියා කාටදෝ බනින සද්දෙකුත් ඇහුණා.. මූ මොන හු#තප්පරයක් අස්සෙ ඉඳන් කතා කරනවද මන්දා.. මං හරිම ඉවසීමෙන් යුතුව සාවධානයෙන් ඌ කියන එක අහන් හිටියා..
" මල්ලෙ මෙහෙමයි.. මේ පාර මීට් එකේ වෙනසක් කරන්න ඕනි කියල පිනා කිව්වා.. වෙනස කියන්නෙ පිනා මේ පාර ළමයි අතින් හදපු ඩෙකරේශන්ස් බලන්න කැමතිලු.. ඉතින් ආට් ක්ලබ් එකනෙ ඔය වගේ වැඩවලට මූලිකත්වය ගන්නෙ.. නේද.. (අනිවා එන්න කියපන්, සංකේ සංකේ) "
YOU ARE READING
සෙංකඩගල අහස යට (Nonfic)
Non-Fictionදෙනුවන්, මං උඹට ආදරේ තරම උඹ තවම දන්නෑ.. දැනගන්න ඕනි නම් මේ බෝගම්බර වැව් ඉවුරට ගහන පොඩි පොඩි රැළි ගාන ගණන් කරන්න.. ~ ආත්ම ශ්‍රවුශාක්‍ය බණ්ඩාර පුළුවන්කමක් තිබ්බනම් මං අයියගෙ දුකයි වේදනාවයි උරාගන්න පුළුවන් විදිහෙ ස්පොන්ජ් කෑල්ලක් වෙනවා.. ~ නුවිනු දෙ...
