ضلت واگفه صافنه دتباوع علينا و ضلت تفرك بعيونها
گالت بصوت مال واحد توه صاحي من النوم
فلانه: شبيكم؟
دارين: هسه نفهمچ والله
ندار عليه حسنين خزرني حتى اسكت اتقدم بناحيتها
واني ارجف خايفين شنو رده فعلها اجه سحبها و سحب
كُرسي و گعدها عليه وراح ترس الها گلاص مي و اجه
انطا الها هيَ شربت شوي منه و حطته على الميز
ضلت تباوع النا بأستغراب
فلانه: ياا شبيكم احچو؟
حسنين: شوكت گعدتي من النوم؟
فلانه: توني گعدت
حسنين: يعني سمعتي
فلانه: شنو سمعت؟
حسنين: لا احنا مفكرين ان انتِ راح تخربين المفاجئه
لساره فما گلناچي
دارين: اي اي صح حتى يمكن هسه انتِ سمعتي كلامنا
فلانه: احچولس ترى توني اجيت ما سمعت ولا شي
ضل واحد يباوع للثاني و زفروا نفس براحه
دارين: انه راح اصعد اسبح
صعدت و ضلينا بالمطبخ بس اني و حسنين
فلانه: بيش الساعه؟
ضل يباوع لساعته و گال
حسنين: بـ ١١
فلانه: لعد اني طول هل وقت نايمه؟
حسنين: اي همزين سكنتي و نمتي هسه شلونچ
فلانه: اي احسن شوي
حسنين: انه راح اسبح و اجيلچ ما اتأخر
فلانه: شعندك جاي؟
حسنين: لا هاي طرده بنزاكه
فلانه: لا بعيداً عن هذا كُله يعني شعجب؟
حسنين: امچ موصيتني عليچ
فلانه: اي تذكرت مو انتَ اخوي ههههههههه
حسنين: راح اروح انه شحني نقالي يمچ و تأكد من
شحنه
اخذته من ايده
فلانه: اي بيباي اخوي هههههه
راح و چان باين على وجهه العصبيه اني رحت شغلت
التلفزيون بحثت عن برنامج و گمت شغلت النقطه
و شحن موبايله توني خليته چان ييجي اشعار
فلانه: خلي نشوف بلكت بنيه منا منا حتى الزمها عليه
رحت و اني بس اضحك ما دريت يلي حيصير
بيه بعد ما راح اقرأ المسج رحت لزمت الموبايل
شغلته ردت اعرف الرمز چان گبل انفتح ما اعرف
شلون؟
المهم رحت على الواتس لانو چان الاشعار جايله
من الواتس چانت دارين راسلتله كاتبه: حسنين
انتبه ترى شكت اكو شي و هيَ اكثر من مره تجيني
و تگول انتو ضامين عليه شي و اني امشيها من يمي
لازم تنتبه بعد
