فلانه: شكو؟
باوعت لأمي ميته بچي
فلانه: شبيچ منو وياها؟
ساره: تعاي حبيبتي نصعد نسولف
اسمر: سارههههه
ندارت عليه و اشر الها براسه بمعنى لا هيَ
هزت راسها بقبول
ساره: تعاي نصعد
فلانه: لا اريد اطلع برا
ساره: تمام لعد امشي
طلعنا برا و اني مليون علامه استفهام براسي؟
فلانه: شكو و اسمر شجابه؟
ساره: ماكو شي و اسمر اي التحق و رجع
فلانه: غريبه؟
ساره: اي شلونچ
عدلت گعدتي و شبكت اصابيعي
فلانه: امي شبيها؟
ساره: ها ما بيها شي
فلانه: يعني متعرفين
ساره: ءء اي
فلانه: تمام راح اروح الها
گمت اريد اروح هيَ سحبنتي ردت افلت ايدها ما
گدرت ضلت تسحب بيه
فلانه: بابه روحي انتِ شعليچ اريد اروح يم امي
ساره: لا مو هسه
فلانه: توخرين لا والله اطيح حضچ بابه اريد افهم شبيها
حلوه هاي
ساره: تمام فوتي
دخلنا و رحت للصاله امي حالتها حاله و دارين يلي
توها صحت تبچي البيت كُله مخربط ما اعرف شبيهم
فلانه: شنو السالفه ادري ميت احد
كِناز: لو ميت احد چان احسن
رحت يم امي اريد افهم شبيها اول ما گعدت حضنتني
و ضلت تبچي عگدت حواجبي مفاهمه شبيها
فلانه: شبيچ؟
الام: يريدون ياخذوچ مني
ضلت تلطم و تبچي
الام: يريد ياخُذ الشي الوحيد العايشه علموده شلوننننن
اسمر: گولي يا الله
فلانه: ياخذون منو؟
الام: ياخذوچ!
ضحكت ما مستوعبه شنو يلي دتحچي
فلانه: و اني شكو؟
الام: يريد ياخذچ
فلانه: منووو منوووو؟؟؟؟؟
الام: ابوچچچچ
ضليت مصدومه ابوي يريد ياخذني؟
بعد كُل هل سنوات يلي تركني من عمر 4 سنوات
هسه جاي ديداعي بيه؟ هو تركنا و چنا بوقت محتاجي
بي تركنا اني و امي ما سئل علينا من چنت اروح للمدرسه اول يوم چنت اشوف البنات كلمن ويا ابوها و امها الا اني بس مامي وياي مره چنت گاعده وحدي اكُل كيكه و اشرب عصير اجت بنيه هيَ و صديقاتها و گالتلي خطيه هاي ما عندها ابو يسئل عليها اني احسن منچ عندي ابو اني گمت گلتلها لا عندي ابو بس هو مسافر و رجعت للبيت و اني منهاره بس ابچي رحت لأمي گلتلها ليش كُل البنات عندهم اب الأ اني حضنتني و ضلت تسولف وياي لحد ما هدئت و غفيت و اني افكر بهل كلام دموعي تجمعن بعيني و ضلن ينزلن عشره عشره
