فلانه
گعدت ثاني يوم غسلت و غيرت لبسي و لميت شعري
ظفرته ضفيره راخيه و تعطرت و حطيت تنت خفيف
و نزلت جوه ردت اروح للمطبخ بعدني مداخله شفت
حسنين گاعد كلعاده ديشرب القهوه مالته و بيده
اللابتوب و كاشخ و لابس لبس رسمي يريد يروح
لدوامه ردت ادخل رأساً رجعت هو شافني و صاح
حسنين: تعاي تعاي
هنا اني توترت شيريد عزااا شلون اباوع بوجهه
دخلت بالمطبخ و دنگت راسي و حچيت بخجل
بسبب البارحه
فلانه: ها عيني رايد شي
ضل يباوع بأستغراب اجه بأتجاهي دنگ راسه و
ضل يباوعلي و رفع وجهي بأصباعه
حسنين: منين نزل المستحه و الادب
استحيت اكثر درت ردت اروح عاط
حسنين: بعدنه محاچين
نداريت عليه و باوعتله
فلانه: شنو؟
حسنين: البيت فارغ
فلانه: اي؟
حسنين: كلها طلعت تتسوگ لعرس مؤمل
فلانه: شنوووو و اني ليش ما اخذوني
حسنين: اي امچ گالت خلي تولي لا ناخذها
ضليت اباوعله مثبته عيني بعينه ضل يضحك
حسنين: شبيچ راح تبچين
فلانه: ما ابچي بس هسه شلون
حسنين: اطلعين نتريگ؟
فلانه: ما اريد
حسنين: چا ما اگدر اعوف طفله وحدها بالبيت
فلانه: لعد دارين وين؟
حسنين: اول الرايحين
فلانه: يا الخايسه و هيَ گالت نروح سوه سهله اني الها
حسنين: يلا بدلي و نروح نطلع نتريگ و اغيرلچ جو
فلانه: ماااا ما اطلع متشوف الجو بارد
حسنين: چا ما عندچ ملابس تلبسيهن
فلانه: لا عندي
تقرب مني و حاط ايده بجيوبه
حسنين: بس امس بالليل چنتي ما عندچ ملابس
فلانه: هاا
حسنين: ليش نايمه هيچ
فلانه: هااا و انتَ شعليك مو عيب تسئل هيچ اسئله
بس ييجي اسمر اگوله عليك
حسنين: هوب هوب شگلنه
فلانه: وخرر من يمي
حسنين: صعدي بدلي و تعالي انه منتظرچ بالسياره
فلانه: ما اروحححح
حسنين: اخر كلام اذا ما تبدلين عادي اجرچ غصب عنچ
و اخذچ وياي غصب
