ساره
عفت فلانه يمها و طلعت من الغرفه رحت بطريقي
سمعت صوت وشوشه شخص يحچي بصوت ناصي
اتقربت اكثر عدنا بالبيت غرفه متروكه اتقربت اكثر يمها
و ضليت اسمع هذا صوت امي؟
باسمه: اي خيه عاشت هل ايدين صار من المحبس
بأصبعي ان شاء الله اجيلچ باچر و نجدده
من سمعت هيچ انصدمت صدمه عمري هاي امي
هيچ تسوي بأسمر؟؟؟؟ ضليت اتسمع للحديث يلي
دار بينها و بين المره
باسمه: اي اذا يضل على هل مستوى يتحقق الشي
الرايدته يلا خيه مع السلامه الله وياچ سلميلي
على اخوتنه
انه من سمعت هيچ رحت ركضت لغرفه مصطفى چان
دنيا لليل كلها نايمه و اسمر كالعاده ماخذه مؤمل و طالعين دخلت بدون لا ادگ الباب چان نايم و يباوع
بنقاله
مصطفى: ها ولچ
اشرتله بأصبعي يعني اسكت گام و اجه يمي انه چنت
ورا الباب
مصطفى: شكو؟
حچيت بصوت ناصي ساره: اشش هسه افهمك
شويه ضليت اباوع من فتحه الباب لحد ما امي راحت.
تأكدت يلا اختصرت اله كلشي بسرعه
ساره: امي مسويته سحر لأسمر
مصطفى: شنو و انتِ شدراچ بعدنا ما متأكدين
ساره: انه سمعتها بأذني تحچي ويا وحده
مصطفى: يمكن فهمتي غلط؟ ساره لا نستعجل
ساره: و العباس ابو فاضل سمعتها بهاي اذني بعد يومين
ياكلها الدود و حتى باچر راح امي تروح الها حتى تجدد
السحر والله
مصطفى: وين المكان؟
ساره: ما اعرف
مصطفى: محافظه رقم المره
ساره: و شسوي احتفظ برقم السحاره
مصطفى: باچر عندچ شي
ساره: اي چا و دارين
مصطفى: يمها فلانه
ساره: شتريد؟
مصطفى: تجين نشوفها شنو راح تسوي
ساره: خوش
مصطفى: هسه انتِ روحي نامي و لا تفكرين بشي
و لا تحچين لأي احد على السالفه هاي
ساره: تمام باي
مصطفى: الله وياچ
طلعت و سديت الباب رحت للغرفه دخلت لگيت
فلانه و دارين ثنيناتهن نايمات رحت بالگاع نمت
چان الجو بارد ما اتحملت طلعت و رحت يم آراي
چنت حيل مختنگه احس اريد ابچي مااعرف اوگف
بصف منو هاي امي و هاي صديقتي و هذا اخوي
محتاره رحت دگيت الباب فتحلي آراي چان فاتح عين
و ساد عين مبين چان نايم
