الكاتبه لِيلان الشِمَري .
.
.
.
.
ترخصت الدكتوره و طلعت هوَ بعده يباوع مصدوم
ما مصدگ قاطع الصفنه مالته بضحكه اني غمضت عيني
ما ردت اشوفه و لا ردت اباوع بوجهه اضلاً كارهته
كميه حقد بداخلي اتجاهه اتقدم اتجاهي اني گبل عطت
دارين: لا تتقرب روح كافي كُلشي انتهى
وگف و ما حچه ولا حرف اخوانه خايفين من رده
فعله
مصطفى: مؤمل اخذ دارين للبيت
مؤمل اجه يريد يساعدني اگوم جره اسمر من ياخته
و ضربه بوكس على حلگه تخبل انجنن علي وگف ضلو
يتلاوون يريد بس يحچي وياي يگولي
اسمر: باوعيلي دارين حبيبي بس باوعيلي شبيچ
ما تباوعيلي مو انه احبچ
ما باوعتله تخبل چان اكو بلازمه بالغرفه شالها و
رگعها فلشها بالحايط صار يضرب يرگع محد يسيطر
عليه و على وضعه مؤمل اجه سندني و بالگوه طلعنا
حاصروا دامس و آراي و مصطفى و هوَ بعده يفلش
الممرضين التموا الدكاتره مؤمل گبل طلعني من هاي
المصايب كُلهن بالگوه امشي هو ساندني ضليت ابچي
ما اگدر
مؤمل: خلي اجيبلچ كرسي
دارين: ما اريد وصلنا
رحنا طلعنا و صعدت بالسياره و صوت اسمر بعده
بكُل علوه مشت السياره من يم المستشفى و چان
يطلعون و اسمر بعده يعيط و كُل ماله صوته يعلى
اكثر و اكثر و اني مدنگه راسي شافني اني و مؤمل
اجه ركض على السياره رفعت عيني و اباوعله من ورا
الجامه نزل مؤمل الجامه و ضل يباوع بعيوني
و كُلعن داير ما يدوره خايفين من اي رده فعل تطلع
من عنده ضل يباوعلي و اني دموعي تجري على
خدي گال بصوت رايح مبحوح
اسمر: عيونچ شبيهن؟
مفهمت قصده هو صار يضرب بتاير السياره و رجع
يمي يگول
اسمر: عيونچ ما يحبنيي بس انه احبهن
هنا راد يحضني همَ لزموا و حرك مؤمل السياره اني
ضليت اصرخ و ابچي و مؤمل بصفي يمدلي كلينس
ضليت اضحك من شفت الباكيت شوي و يخلص
دارين: هاي شگد بچيت
مؤمل: خير من الله
سكتت و وصلنا و طبگ السياره بالگراج قبل لا انزل
هو حچه وياي
مؤمل: بس من وكتچ
انداريت و عگدت حاجبي مستغربه؟
دارين: شبيك تحچي هيچ؟
مؤمل: ما بيناتنا صله
دارين: اي صحيح
مؤمل: بس اريد اگلچ شغله ضلت حسره بگلبي
دارين: و هيَ؟
مؤمل: كل هل بچي و الصريخ و الدموع و ما
تحبين اسمر؟
