فلانه: ش شنو خاله شتريدين
اتقربت مي بس بخطوه بعد ما حسيت بـ ولا شي
رحت لغير عالم گعدت ثاني يوم بمكان مهجور اشبه
بالمهجور اني مربطه و حلگي مربوط و الحشرات تمشي
من يمي شفت عناكب بالگاع دتمشي ضليت ابچي
اريد امي و حسنين اريده يطلعني شوي و چان تدخُل
المره الكبيره بالعمر اجتي وگفت فوگ راسي اني رفعت
راسي ضليت اباوع الها هيَ باوعتلي وراها ابتسمت
: عيونچ حلوات اكيد طالعه على امچ البر**
اني ضليت صافنه عگدت حاجبي بعدم فهم؟
هاي شنو معرفها بأمي و هوَ صح عيوني على عيون امي
قاطع حبل افكاري من نطقت
: اخذت اغلى شي منها
اجتي فتحت الربطه من حلگي جريت نفس من خشمي
و من حلگي من گد ما چنت مخنوگه ضليت اگُح صرت
بالگوه اجر النفس من اتقدم يمي اختنگت حيل من ريحتها چان ابد مو طيبه لدرجه عيوني ضليت ادمع
حچيت بصوت رايح
فلانه: خاله شتريدين مني؟ ومنو انتِ؟
ضليت تضحك ضحكه مرعبه لزمتني الرجفه لدرجه حتى
اسناني ضلو يطگطگون من الرعب!
: اجلچ ينتهي على ايدي اني حتى امچ بواگه الرجوله
تتعلم شلون تندگ بيه اني
فلانه: ل ليش دتحچين على امي منو انتِ؟
: اني الجحيم الي حيگلب حياتكم رجعت اني و رجعت
سوالفي و انتقاماتي وياي و اول المنتقمين منهم امچ
الگح**
حچيت و اني ارجف منها شكالها كأنها عجوز الساحره
فلانه: انتِ الگح**
جرتني من شعري اني ما اگدر انطي اي رده فعل مربطه
ايدي و رجلي ضليت اصرخ حسيت شعري كُله تگطع
راح بأيديها لزمتني جرتني لحد ما وصلنا يم ميز شكله
كُلش قديم فتحت احد ادراجه و طلعت مقص
اني يلي توقعته انو حتقص شعري ما توقعت يلي
حتسوي ما توقعتها بهل جرائه اجتي دنگت و هيَ
تضحك شگت البيجاما يلي چنت لابستها شگتها عليه
ضليت اصرخ و هيَ ميته ضحك عليه اجتي فتحت
المقص و ثبتته بين افخاذي و جرته جره طويله و الدم
صار طشار صار الدم يجري من عندي و اني اصرخ ابچي
اريد احد يسمعني ماكوووو هيَ گامت اخذت ورقه
و مسحت الدم يلي بيها و حطته بكارت عافتني بحالتي
الي لو عدوي چان ينقهر عليه و ييجي يساعدني عافتني
و طلعت ما اسمع بس ضحكاتها الدم ما وگف نزيفه
ضليت انزف انزف لحد ما حسيت بشي و نرگع راسي بالحايط و اغمى عليه..
ساره
چنه گاعدين بالحديقه مسوين عصرونيه و گاعدين
سوالف و شقه نسولف ويه عمه ام فلانه اجتي من بغداد
چان اليوم متفق انو تجي فلانه بس چان حسنين
مو علة بعضه گاعد و عاقچ وجهه و باله و تركيزه كله
بالنقال لحد ما اندگ النقال فتح الخط و جاوب
