هنا: عمر ما تكتب كتابك على مريم
نزل حديث هنا عليهم كالصاعقه توقفت مريم عن اعداد القهوه له وظهر على وجهها الصدمه اما عمر فحول بصره الى مريم على الفور ليرى ردة فعلها
نطقت مريم بتعلثم: عن.. عن اذنكم
خرجت من المطبخ اتجهت الى غرفتها اغلقت الباب واستندت عليه مريم بداخلها: كتب كتابي هو اصلا مش انا هاربه من البيت عشان خطوبه بالغصب اجي هنا عشان يتكتب كتابي على واحد معرفهوش غير من يوم واحد بس
اتجهت الى الفراش وجلست عليه حاولت تهدئه انفاسها لا تعلم ماذا تفعل وما كانت هي ردة فعل عمر على الامر
في المطبخ
عمر: انت بتقولي ايه ي ماما
هنا: انا بقولك الصح مينفعش هي تقعد هنا وانتو مفيش علاقه بينكوا افرض قعدت بشعرها وانت شوفتها مش هيبقى حرام لو حصل تلامس بينكوا حتى لو بالايد مش حرام
فكر عمر بالامر فهي معها حق واكملت هنا بدهاء: وبعدين انت مشوفتش كانت خايفه عليك ازاي من امبارح
تجاهل عمر حديثها الاخير واردف: يعني هي هاربه من البيت عشان متتجوزش غصب تيجي هنا واتجوزها انا غصب
هنا: عريس عن عريس يفرق الراجل اللى متربي على الاصول خلاف اللى مش متربي اصلا وبعدين انت اش عرفك انه بالغصب.. ها قولت ايه؟!
عمر وهو يوليها ظهره ويخرج من المطبخ: ابقي قوليلي ردها وانا اقولك هعمل ايه
ابتسمت هنا بانتصار وقالت: كده لسه هي هو تقريبا شبه اقتنع بالموضوع
تقابل عمر مع والده عند بوابة الڤيلا حدقوا ببعض للحظات وبعدها تخطاه عمر فاوقفه محمد: عمر استنى
التفت له فاقترب منه والده وقال: عارف اني ضغطت عليك بس انا كنت متضايق لان في مشلكه حصلت مع حد بسببي وطلعت غضبي فيك
عمر: حد مين اللى يخليك متضايق اوي كده لدرجه تقولي الكلام ده
تنهد محمد واردف: عمك جدك طرده من البيت وهو طلق مراته عشان عرفوا ان بيجي يزونا
عمر: انت عارف كل مدى بكره جدي اكتر واكتر طب وكريم معدتش هيجي هو كمان
محمد: مش عارف كلمه هو كان بيجي مع سامر
عمر: طب وعمي فين؟!
محمد: ايجه القاهره من بليل وبات في شقته اللى هنا
عمر: ماشي وعمتا حصل خير المهم انت كنت فين وراجع البيت ليه
محمد: كنت في الشركه ونوح اتصل بيا عشان اسافرله لندن
عمر بتعحب: خير
محمد: مش عارف والله بس هو قالي تعالى فانا جيت اخد الباسبورد والورق المهم وهحجز الطياره واسافر علطول
عمر وهو يعانقه: خلي بالك من نفسك تروح وترجع بالسلامه
في الداخل
طرقت هنا الباب فسمحت مريم لها بالدخول
هنا: اظن انت عارفه انا جيالك ليه
مريم: مش هينفع وانا همشي ما دام غلط ان اقعد هنا مش هينفع هو هيدبس فيا ليه مش يمكن بيحب واحده تانيه
ضحكت هنا واردفت: عمرر! وحب دا انت طيبه عمر مفيش في حياته حد وكمان ي ستي انا عملت كده لان انا حبيتك وارتحتلك وانت هاديه وطيبه كده وبعدين الواد هياقي احسن منك فين فوق ده كله لو لقدر الله اخوك وصاحبه عرفوا طريقك عمر هيبقى ليه الحق يحميكي منهم ازاي ولو على عمر فانا اللى مربياه ولو كنت شيفاه شخص مش كويس مكنتش قولت كده اكيد مش هضرك انت بقيت مكان شهد خلاص
مريم: هي بنتك اسمها شهد؟!
اومأت لها بابتسامه وعينيها تلمع بالدموع
هنا: موافقه؟!
مريم: راي عمر ايه
هنا: مستني جوابك
مريم: بصراحه انت معاك حق في كل كلمه قولتيها فانا موافقه
ابتسمت هنا واحتضنتها
خرجت من الغرفه فتلاقت مع محمد
هنا: ٠حبيبي اخيرا جيت انا قلقت عليك اوي امبارح خرجت من البيت ليه
محمد: انا كويس متقلقيش بس انا مستعجل لازم اسافر لندن
هنا: لا استنى مش هينفع
محمد: يعني ايه مش هينفع
هنا: في موضوع كده عاوزه اكلمك فيه
محمد: قولي
هنا باندفاع: عمر هيكتب كتابه على مريم
يتبع
YOU ARE READING
اِحتِواء
Romance-التعافي من ماضي مؤلم ثم مساعده كانت بداية لحياة جديده -العوده والاستيقاظ من غفوه دامت لسنوات -ونتيجة الكره والحقد بين الاختين تاهت ابنتها منها -وبين حقد دفين وحب ظاهر كانت ابنته ضحيه والكثير والكثير ستكتشفه مع القراءه
