كنت احسبها اختاً لي منذ نعومة اظافرها ولكن! لم تكن اختى قط والنتيجه ان حبي لها لم يكن محرماً ولكني خسرتها كأخت حنونة وكزوجة تصلح لي شأني 🖤
آحـتـــــــوُآء آلَفــــــصـــلَ آلحادي والعشرون 🖤
<العودة الى الطريق الصحيح قبل ان يفت الاوان اكثر من ذلك>
خرج من المنزل بعد مشاحنته مع امه كان يسير بتيه وهو ينظر امامه بشرود وقد عادت السماء تمطر من جديد لكن بدرجة اقل
فجأه ظهر ابراهيم وسار بجواره
فاردف يوسف بسخريه:
ايه اللي فكرك يينا تاني بعد اخر علقه
ابراهيم بسخريه:
لا ما انا لمحتك وانت ماشي كده مكسور عجبني اوي منظرك ده
يوسف بتنهيده:
حلوه الشماته عقبال مجربها فيك
ابراهيم بحده:
بص انا معرفش طريقك من ساعة خناقة القهوه بس انا في واحد كلمني وقالي ان كل ما بتبعد عنه كل ما السر هيتكشف بسرعه
توقف يوسف عن السير واردف بجديه:
مين اللي قالك كده وايه اللى لمك على الراجل ده
فاردف ابراهيم: شغلي مع الراجل ده ملكش فيه
اجابه يوسف بجديه: لو بعتك عشان تأذي مريم اقسم بالله يا ابراهيم رقبتك قصاد شعره من مريم
فرد عليه ابراهيم بسخريه: وده من امتى ده
يوسف: من دلوقتي وابعد عن طريقي يا ابراهيم متفكرش حتى ان علاقتنا هترجع تاني سوا
ابراهيم: والشغل في شحنه كمان ساعتين ها جاي ولا توبت
يوسف: توبت وخلاص انا والشغل ده معدش ليا علاقه بيه
ابراهيم: ايه اللي حصل غيرك كده وخلاك مكسور
يوسف: اللى جوايا محدش يعرفه غيري ابعد عني يا ابراهيم وسبني في حالي
تحرك ابراهيم من جانبه ونظرة الشماته في حاله لم تختغي اكمل يوسف طريقه فوجد قدماه تحملاه الى المسجد وقد تم فتحه لاقتراب صلاة الفجر
دلف الى الداخل بقلب مرتجف وعينين تلتمع بالدموع
اتجه الى مكان الوضوء توضأ وعيناه تذرف الدموع في صمت
جلس يسند جسده على العمود ضم قدميه الى صدره وحاوطهم بيديه فوضع رأسه عليهم وبكي بكي بحرقة بكى بألم على سنين عمره الضائعه وهو في ذلك الطريق
جلس امامه إمام المسجد
حازم: مالك؟ بتعيط ليه؟
رفع رإسه بعيونه الباكيه وتحدث:
انا مشيت في طريق صعب اوي وظلمت حد وافتريت عليه واتكلمت عن شرفها ذور انا كاره نفسي اوي بس والله انا ندمت على كل اللي عملته ومش عايز ارجع للطريق ده خلاص بس
لم يعرف ماذا يقول بعد ذلك فاجابه حازم بنبرة حنوته: انت ندمان يعني قلبك من جوا تاب عن اللي عملته ده
يوسف: اه والله العظيم انا من جوايا معدش عاوز ان اكون كده والله
حازم: قوم صلي معايا قيام الليل وادعي ربنا يغفرلك اللى عملته وابدأ صفحة جديده مع ربنا بعيده عن حياتك القديمه
YOU ARE READING
اِحتِواء
Romance-التعافي من ماضي مؤلم ثم مساعده كانت بداية لحياة جديده -العوده والاستيقاظ من غفوه دامت لسنوات -ونتيجة الكره والحقد بين الاختين تاهت ابنتها منها -وبين حقد دفين وحب ظاهر كانت ابنته ضحيه والكثير والكثير ستكتشفه مع القراءه
