fri(end)s

15 කොටස

මට කේන්තියටයි දුකටයි බයටයි තුනටම හය්යෙන් අඬාගන්න ඕනෙ .ඒත් උගුර හිරවෙලා වගේ .
දෙව්මිත් අය්යා කෝල් කරනකොටත් මන් හිටියේ ඇඳේ හාන්සි වෙලා රනුත් අය්යට හිතින් බනින ගමන් .ඒත් සත්තයි දෙය්යනේ ඒ වෙලාවේ කේන්තියක් තිබ්බත් මන් අය්යට නරකක් වෙන්න හිතුවේ නෑ .

යන්න කලින් අය්යා කිව්ව දේවල් එක්ක මන් ඔලුවත් අවුල් කරන් ඉන්නකොට දෙව්මිත් අය්යගෙ කෝල් එකත් එක්ක මගෙ ඔලුවට පොල්ලෙන් ගැහුවා වගේ .

තාත්තා එනකන්වත් ඉන්නැතුව මන් ගෙදර ඇඳන් හිටිය ඇඳුම පිටින්ම වීල් එකක නැගලා හොස්පිට්ල් එකට ආවා .

මන් දන්නෑ වෙන්නේ මොනාද කියන්න මගෙ පපුව නොසෑහෙන්න බයෙන් ගැහෙනවා .
පහළම වෝඩ් එකේ ඉඳන් අය්යා ඉන්න වෝඩ් එකට එන්න නඟින පඩියක් ගාණෙම හිතට එක එක දේවල් මැවෙනවා .

වේගෙන් පඩි නැඟලම මට හති පාස් වෙන හැම ඇඳක් දිහාම බැලුවත් අය්යා ඉන්න තැනක් හොයාගන්න බැරි උනා .
මන් ටික දුරක් යනකොට හම්බුනේ කොහෙත්ම හම්බෙයි කියලා බලාපොරොත්තු උන කෙනෙක් නෙවෙයි .

අදත් උඩ බොත්තම් දෙක ඇරපු කමිසෙට හීනි රත්තරන් පාට බෝඩරයක් තීන සුදු සරමක් එක්ක මට මූණටම හම්බුනේ ජීවා අය්යව .
කාසි වත්තේ ජීවා !
මන් නම දැනගත්තේ ගිය සතියේ නිවුස් වලින් .

මේ මනුස්සයා වෝඩ් එකේ ඉන්න හේතුවක් මන් දන්නෑ .ඒත් මගෙ හිතට නම් හොඳක් දැනෙන්නෑ .
අඩියෙන් අඩිය ලං වෙනකොට මන් දුර තියා එයාලව අඳුනගත්තට එයාලා මාව ප්ස්සේ අඳුනගත්තේ .

මන් හිනාවක් නොවන හිනාවකට ලාවට තොල් ඇදගත්තා .

' මන් ඒත් බැලුවා මොකද පරක්කු කියලා . ම්ම් අපි ගිහින් එන්නම්කො . ඔයාගෙ යාලු අය්යට කියන්න මීට වඩා පරිස්සම් වෙන්න කියලා මොකද හැම වෙලේම අපිට කොටි පැටව් පරිස්සම් කර කරම ඉන්නත් බෑනේ ම්ම්ම්ම් . යන්නම් මල්ලි ඉන්ස්පෙක්ටර් මහත්තයව මතක් කලා කියන්නකෝ . '

මට කතාකරන්න ඕනෙ උනාට උගුර හිරකරන් ඉන්න ඉකිය නිසාද මන්දා අඩුන රනුත් අය්යට කොහොමද කියලවත් නාහා ඒ මනුස්සයට ඔලුව වනලා මන් එයාගෙ පිටිපස්සෙ හිටිය මිනිස්සු දිහා නොබලම එතනින් එන්න ආවේ ඔලුව ඇතුලෙ ප්‍රශ්න දාහක් ඉතුරු වෙද්දී .
ටික දුරක් යනකොට මන් දැක්කා රනුත් අය්යව . මට මන් ගැන විශ්වාසයි .මන් කිසිම දවසක මෙච්චර බය වෙලා නැතුවැති .මොකද දෙව්මිත් අය්යා කෝල් කල්ලා අය්යා හොස්පිට්ල් එකේ ඉන්නවා කිව්වා විතරයි .එතනින් එහා වචනයක් නොකිව්ව නිසා මන් හිටියේ නොසෑහෙන්න බයෙන් . අඩුම මොකක්ද උනේ කියලවත් නොදැන හොස්පිට්ල් එකට දුවන් ආවේ අය්යව ඇස් දෙකෙන් බලන්න ඕනෙ කමට .