ဘဝက အမြဲတစ်သမတ်တည်းဖြစ်မနေနိုင်ပါ။ နေ့ချင်းညချင်း ရွှေဘုံစံ ဘဝမှ သူဖုန်းစားထက်နိမ့်သော ဘဝကို နိမ့်ကျသွားနိုင်သည်ဟု အရင်တုန်းကမယုံခဲ့မိချေ။
လိုချင်သမျှပိုင်ဆိုင်ချင်ခဲ့သမျှလည်း လက်လွှတ်သွားရနိုင်သည်။ ဒါဘဝလေ။ ဘာဖြစ်မယ်မှန်းသိနေရတဲ့ စာအုပ်တစ်အုပ်မှ မဟုတ်ခဲ့ဘဲ။ စာအုပ်ဆိုရင်တောင်မှကောင်းဦးမည်။ သူ့ဘဝရဲ့အကောင်းဆုံးအချိန်တွေကိုဘဲရွေးပြီး အပြန်ပြန်အလှန်လှန် ဖတ်ရှူနိုင်မည်လေ။
ယခင်က သာယာ၍ပျော်ရွှင်ဖွယ်ရာဖြစ်ခဲ့သော နန်းတော်အပြင်ဖက်က ယခုတော့ ပျက်စီးယိုယွင်းလျက်။ ကျွမ်းကျင်အောင်လေ့ကျင့်ခဲ့ရသည့် အရာတို့ကလည်း သူ့အားကာကွယ်မှုကိုပင်မပေးနိုင်တော့။ ယခင်က တပ်မက်ခဲ့ဖူးသောအရာတို့က သူ့အား လှောင်ရယ်နေသလို။ ရယ်မောသံ၊ အချေအတင်ဖြစ်သံ၊ အစရှိသဖြင့် စည်ကားခဲ့သော နန်းတော်ကြီးက ယခုတော့ ခြောက်ခြားဖွယ်ရာ ဆူညံလျက်။ သွေးစက်တို့က နေရာအနှံ့ပျံ့ကျဲလျက်။ လူသေအလောင်းတို့က တစ်ခုနှင့်တစ်ခုထပ်လျက်။
သူ သိပ်ကိုသဘောကျခဲ့ပါသော နန်းတော်ကြီးက ယခုတော့ သူ့အား ခြောက်လှန့်နေလေတော့သည်။
သူ ချစ်ရသော သူ့ရဲ့မိသားစု နှင့် ပြည်သူတို့ကို ပြေးလွှား ဒုက္ခရောက်နေကြသည်ကို ကြည့်နေရုံမှလွဲပြီးမတတ်နိုင်ခဲ့။
''မင်းကြီး........ကျတော်တို့ဒီကနေထွက်ခွာသင့်ပါပြီ......''
ဝူမျိုးနွယ်အမတ်က ပြောလာသည့်တိုင် သူလသာဆောင်မှနေ၍ ခြောက်ခြားဖွယ်ရာ မြင်ကွင်းကိုကြည့်နေဆဲ။
"အမတ်မင်းဝူ......ကိုယ်တော့်ကိုအဖော်ပြုပေးပါဦး......''
ဘေးနားကို လက်နဲ့အသာအယာပုတ်ပြတော့အမတ်မင်းဝူက သူ့ဘေးနားကိုရိုကျိူးစွာရောက်လာပေးလေသည်။
''မင်းကြီး.........ဒီမှာဆက်နေနေလို့မဖြစ်တော့ပါဘူး........ဒီမြင်ကွင်းတွေကို မင်းကြီးကြည့်ဖို့မသင့်တော်ပါဘူး.......''
အသာအယာပြုံးလိုက်ပြီး
''အခုလိုဖြစ်ပျက်နေတာကို ပြည်သူတွေ ခံစားနေရတာဘဲလေ.......ကိုယ်တော်ကြည့်တာ မသင့်တော်စရာမရှိဘူး.......''
YOU ARE READING
The Secret Of Red Rose (Complete)
Romanceနှင်းနီပွင့်လေးတစ်ပွင့်ပါဘဲ ဆူးအပြည့် လျှို့ဝှက်ချက်အပြည့်နဲ့ပေါ
