''မင်းသမီး၆........''
''ဟုတ်ကဲ့.....''
''ကိုယ့်မှာသဘောကျမြတ်နိုးရသူရှိပြီးသားပါ......''
''...........''
________________________
ချွေးစက်များဖြင့်အိပ်ယာထဲမှထလာရသည်။ အချိန်ကား သန်းခေါင်ယံအချိန်ဖြစ်သည်။
ဘေးပတ်ဝန်းကျင်ကိုအားကိုးရှာမိတော့ တိတ်ဆိတ်မှောင်မိုက်နေသောအခန်းငယ်နှင့် အိပ်ပျော်နေသော ရှောင်မေ့(နှင်းခွေး)လေး။
အိပ်ယာပေါ်မှထကာ ရေခွက်ရှိရာသို့ လျှောက်လှမ်းရင်းမိုက်ခနဲပင်ဖြစ်သွားရသည်။ နှလုံးခုန်နှုန်းတို့ကလည်းမြင့်တက်လျက်။
ရင်ထဲတွင်လည်း ဟာလာဟင်းလင်းဖြစ်သလို ပြည့်ကျပ်နေသလို။
အသက်ရှူပင်ခက်လာလေသည်။
သူအသက်မပါစွာရယ်မောလိုက်ပြီး
''ဟူး......တကယ့်ကိုအဲ့စကားလုံးလေးတွေက ပြိုလဲဖို့လုံလောက်နေတာဘဲ.......''
ရေခွက်ထဲမှရေအားမော့သောက်လိုက်ပြီးပြတင်းပေါက်အားမှီကာ ကောင်းကင်ရှိ လအားမော့ကြည့်နေမိသည်။
ဟုတ်သားနော်။ လကွယ်နေ့ရောက်တော့မှာဘဲ။ ဒါ့ကြောင့် လခြမ်းကွေးသေးသေးလေးသာကျန်ရှိနေသည်လေ။
သူလည်းလခြမ်းလေးကဲ့သို့ပင်မပြည့်မစုံဖြစ်နေသလား။
''ငါသာ.....ဒီ့ထက်ဆွဲဆောင်မှုရှိခဲ့ရင်........စစ်သူကြီးရှက......ငါ့ကိုမြင်လာနိုင်မလား.......''
လေအဝှေ့မှာတင် အပြုံးတို့ဖြစ်တည်လာခဲ့သည်။ ဆုံးဖြတ်ချက်ချပြီးသည့်အပြုံးတစ်ခု။
___________________
''ဦးရီးတော်.........''-ဟွမ်ကျောက်ရန်
''ဆိုင်းရက်စ်.....''-လျိုကျိန်းဝေ
''ကိုကို.......''-ကျန်းခဲ့ရှင်း(မင်းသား၂)
''..........''-ဆိုင်းရက်စ်
လေးယောက်စလုံးအကြည့်ချင်းဆုံလျက်။
''ကိုကိုလို့.....ခေါ်လိုက်တာလား......အကိုတော်၂.....''-လျိုကျိန်းဝေ
''ကျိန်းဝေ.....ရန်အာ.....ဘာကိစ္စရှိကြလို့လဲ......''
ဦးရီးတော်ဆိုင်းရက်စ်ကအမြန်ပင် လာရင်းကိစ္စကိုပြောစေသည်။ သူတို့၃ယောက် ဦးရီးတော်ခြံဝင်းအဝတွင်စုံတွေ့ပြီး ရောက်လာကြသည်ဖြစ်သည်။
YOU ARE READING
The Secret Of Red Rose (Complete)
Romanceနှင်းနီပွင့်လေးတစ်ပွင့်ပါဘဲ ဆူးအပြည့် လျှို့ဝှက်ချက်အပြည့်နဲ့ပေါ
